Старонка:Шляхам змаганьня.pdf/13

Аб незалежнасьці, аб долі і свабодзе
Адтуль патрапіце гаворку вы пачаць.
Як здарыцца калі сядзець вам на парозе —
Вы тонам еўнуха пачнеце на‘т крычаць.

Але выконываць загады сільнай волі;
Змаганьне, дзеяньне, драпежнасьць, паказаць —
О, гэтага, дык вы ня зробіце ніколі!
Пра мляўкі супакой пачнеце тут казаць.

Дык будзе ўсё бяз вас, вы, мляўкія натуры,
Пацыфістычныя і кволыя трусы!
Змаганьне, бой і сьмерць—вам вобраз за пануры.
На печы ў кажуху — там вашы галасы.

|}