И невъводи насъ впокꙋсы, але збавь нас ѿ злого. иж твое е҇ королевъство ї моцъ и слава навеки, аминь. Если бо отпущаете людем зъгрешенья ихъ, отпустить и вам отецъ вашъ небесный.
Если пак не отпущаете людем згрешенья их, ни отецъ вашъ отпустить вам згрешенья вашого.
А гды поститесе, небудьте якъ лицемерники смутячисе, похмуряють бо виденья свои, іжбы объявилися людем постячися, правдиве мовълю вамъ, иж отбирають заплату свою.
Ты пакъ постечися помажъ голову свою и лице твое умыи.
Иж бысь необъявілся людем постечися, але отцу твоему котории въ таемности, отдасть тобе явъне. Нескарбьте собе скарбовъ на земли, где червякъ и иржа грізеть и где таті подкопывають, и крадуть.
Скарбьте собе скарбы на небеси, где ни червяк ни ржа не гризет, и игде тати неподкопывають ни крадуть. Где бо есть скарбъ ваш, тут будет и сердцо вашо. Свеча телу есть око, если прото будет око твое просъто, все тело твое светло будеть. А если око твое злое будет, все тело твое темно будет, если прото светло которая в тобе темностью есть, то тьма якъ велика? Нихто не может двум паномъ служити, либо одного розмилуетца, а другого возненавидить, либо одного держится, а о другомъ недбати почьнет. Не можете богу служити и пенезямъ. Сѣго делѣ
