то хоць бяз міру пад‘ежце, тады і работа складней пойдзе, як пацяжэеце. А памойму, лепш не сьмяшаце людзей і ўсё тут!
ДАМІЦЭЛЯ
А мо‘ і праўду кажаш, Кацярынка? Што ты, кумок, на гэта?
МАКСІМ
Дый, памойму, свацейка, гэтак лепей будзе… У жываце маім ужо даўно салаўі пяюць. Пасьнедаем, а там…
ДАМІЦЭЛЯ
Такі-ж пасьнедаем, а там…
КАЦЯРЫНКА
А там мамка новы каптур пашые для таты, а дзядзька новую мешалку зробіць для цёткі. (Усе садзяцца за стол і сьнедаюць).
ДАМІЦЭЛЯ
(пакручваючы сквараду)
Вось, кумок, з гэтага боку лепшая скварка! Не саромся, бяры і еж на здаровейка!
МАКСІМ
(пакручваючы сквараду)
Ня турбуйцеся, кумка! Лепей ты яе бяры. Мне пасьля ўчарашняга неяк ні сёе, ні тое. Адным словам, праўду свацьці скажу: залішне выпіў.
ДАМІЦЭЛЯ
Праўду, кумок, кажаце! Я сама гэта заўважыла, што трохі слаб быў на нагах. Куму пахмяліцца-б ня шкодзіла.
МАКСІМ
Сам анёл-пацяшыцель падсказаў кумцы гэту думку! Усё роўна як-бы ты, Даміцэлька, у маёй душы сядзела й падслухала, чаго ёй хочацца.
ДАМІЦЭЛЯ
Ай! Уто-ж я дурная! Гэта-ж і ёсьць чым чарвячка замарыць! Мой учора з прычыны першага дня Сёмухі прызапасіў