КАЦЯРЫНКА
А пасьля і па чацьвертай!
МАЦЕЙКА
Ужо не астанецца па чацьвертай!
КАЦЯРЫНКА
Дык і будзе годзе на расходзе!
МАЦЕЙКА
Чаму Каську ня любіць,
Калі Каська ладна:
Хвартух новы, паркалёвы,
Спаднічка ядвабна!
КАЦЯРЫНКА
Цераз рэчку, цераз стаў
Любіў мяне Станіслаў;
І я яго любіла,
Ды спаднічку згубіла!
|}
МАЦЕЙКА
Ха-ха-ха! Як добра без старых загуляць трохі і пасьмяяцца!
КАЦЯРЫНКА
Але каб толькі з гэтага сьмеху ня вышла якога грэху?
МАЦЕЙКА
Як не захочаш, то і ня выйдзе. Але, ведаеш што? — пойдзем з табой таўкачыкі! Бо як трошкі я лыкну, дык тады бярэ мяне ахвота паскакаць.
КАЦЯРЫНКА
І мне таксама хочацца. Сып, Мацейка!
МАЦЕЙКА
Давай, Кацярынка! (МАЦЕЙКА скача таўкачыкі, а КАЦЯРЫНКА толькі памагае прыпяваць).
Шах-мах, таўкачыкі! |