ПАЛАНЕЯ
(у бок)
Ну, дзякуй богу, не я адна набралася граху!
ТРАХІМ
(у бок)
Эгэ! значыцца і мая Даміцэля не без таго, што і я? (Да ПАЛАНЕІ). Хадзі, кумка, пагасьці трохі ў мяне! Ужо твой недзе падзеўся, калі тут быў сягоньня.
ПАЛАНЕЯ
А чорт яго бяры, калі ён пусьціўся ў бадзяцкую скуру і дома не начуе!
ТРАХІМ
Ціха, ціха, кума! Лепей не ўспамінай! Вось садзіся, ды вып‘ем па чарачцы. (Дастае поўквартоўку й частуюцца з ПАЛАНЕЯЙ. МАЦЕЙКА з КАЦЯРЫНКАЙ у старане між сабою жартуюць).
ПАЛАНЕЯ
І собіла-ж куму ў нашу хату забрацца?
ТРАХІМ
Так, так! Але і куме надало упусьціць мяне?
ПАЛАНЕЯ
Як гэта вышла — розуму я ня прыстаўлю?
ТРАХІМ
І я, хоць ня з дурнога заводу, але нічога ня ўкемлю.
МАЦЕЙКА
Адным словам, без поўкварты не разьбярэш. Ха-ха-ха!
ПАЛАНЕЯ
(да Мацейкі)
А да цябе, поўкварта, калі ня п'юць, то і не кажы „здароў будзь“.
ТРАХІМ
Затое-ж, кумка, будзь здарова!
ПАЛАНЕЯ
На здароўе, кумок, на здароўе! (Выпіваюць).
