ТРАХІМ
А цяпер можа паскачам, кумка? Мацейка пайграе нам.
ПАЛАНЕЯ
Ды ужо-ж, кумок!.. Ці за адну вагу вісець ці за две — адна ласка. (Да МАЦЕЙКІ).Іграй, Мацейка!
МАЦЕЙКА
Мамка, як ня стыдна? Гэта-ж ужо мне з Кацярынкай лепей уходзе, як табе з дзядзькам…
ТРАХІМ
Не тваё дзела, блазьнюк! Іграй, калі кажуць! Бач ты яго, як разласаваўся да Кацярынкі!
МАЦЕЙКА
Ну, ужо буду! А што йграць?
ПАЛАНЕЯ
Рэж лявоніху!
МАЦЕЙКА
(у бок)
Папілі салодкую гарэлку, а цяпер і вясельле ім іграй. (Іграе лявоніху, а ТРАХІМ з ПАЛАНЕЯЙ скачуць).
|
Ой, Лявоніха, Лявона мая! |
ЗЬЯВА VІІ
ТЫЯ-Ж — МАКСІМ — ДАМІЦЭЛЯ
ДАМІЦЭЛЯ
А гэта што такія за гоцы ў маёй хаце?
ТРАХІМ І ПАЛАНЕЯ
(пакідаючы гульню)
Мы… мы… так сабе… паскакаць хацелі!..
