Гэта старонка не была вычытаная
ВЫЯВА
Ці ты бывала, тройца, ці бывала?
Ой, я й, маладая, не ўгадала.
Я і, маладая, не ўгадала,
Я і, малада, на вуліцы не бывала.
Да й на вуліцы я й не бывала,
Эх, мяне мая мамачка не пушчала.
Мяне мая мамачка не пушчала,
Ой, да й у камору, ой, запірала.
Да й у камору, эх, запірала,
А у каморачцы акеначка.
А ў каморачцы ды аконечка,
А там мяне, маладой, ой, бядненечка.
А там мяне, маладой, бядненечка,
А па вуліцы дымок, ох, ды ідзе.
А па вуліцы дымок ды ідзе,
А там мой міленькі танок вядзе.
А там мой міленькі танок вядзе,
А у левай руцэ ён вянок нясе.
