Гэта старонка не была вычытаная
Глядзіць Ай-Петры ў дол з вышын —
На белы хаты, на палацы,
На стужкі каменных пуцін —
Плады нявольніцкае працы.
А я — з далёкіх ніў пясняр —
Па Гаспры з кута ў кут снуюся,
Гняце мне думкі Крыма чар,
Маркотна мне без Беларусі.
Няма
Гаспра, мілы мой прыпынак!
Я ўжо скончыў свой спачынак
І цябе я пакідаю,
Да свайго імкнуся краю.
Будзь прыветна, будзь здарова,
Як татарка чорнаброва!
Жыві доўга, як Ай-Петры,
Хоць і веюць буйны ветры!
Вам, магноліі, платаны,
Кіпарысы і каштаны,
Шлю я шчыра на прашчанне
Ад бярозак прывітанне!
Крым. Гаспра.
|}