Старонка:Belarusi.pdf/107

І ПРЫДЗЕ…

І прыдзе новых пакаленняў
На наша месца грамада
Судзіці суд, ці мы сумленна
Жыццё прайшлі, ці чарада

Зняваг мінулых нас не з‘ела,
Пакінуўшы свой дым і чад.
і мы па-даўнаму нясмела
Жылі не ў лад і неўпапад?

Ці аб свой гонар дбайна дбалі,
і добравольна, без прынук,
Самі сабой не гандлявалі,
Не неслі ў петлі дум і рук?

І ці пакінуці на памяць
Мы песень гэтакіх змаглі,
З якіх-бы можна было ўцяміць,
Што мы свабоднымі былі?..

А ўжо свой выдасць непадкупны
Аб нас гісторыя прысуд,
Калі аглядам гляне рупным
і разбярэ, ў чым справа тут.