Старонка:Belarusi.pdf/127

МАЙ

Да нас у госці май прыходзіць,
А з новым шчасцем кожны год, —
Заводзіць песні ў карагодзе,
А ў карагодзе сам народ.

Жалобай думкі аб мінулым
Замітусіцца ў нас падчас, —
Наскочыць радасць гудам-гулам,
І май нас повен ясных крас.

Гармонік рэжа, бубен б‘е…
Гэй, грай, музыка, ў родны тон
І аб мінулай барацьбе,
І аб здабытках нашых дзён!

*

Да нас у госці май прыходзіць,
Як не прыходзіў у веках, —
Спявае песні аб свабодзе
На полі, ў моры, ў рудніках.

Спявае дзецям калыханкі,
Прыгожыць кветкамі сады,
Вядзе сялянаў і сялянкаў
На шлях шчаслівы, малады.