Старонка:Belarusi.pdf/162

З УГОДКАВЫХ НАСТРОЯЎ

Да дзесяцігоддзя Кастрычнікавай рэволюцыі

1

Як пабег тады той
Вокліч ды па хатах…
Гэй, на сход зыходзься!
Дзень ідзе расплаты.

Выпала часіна
Падвясці злічэнне
Крыўды векавечнай,
Вечнага цярпення.

Помстай за знявагу
Ды за катаванне
Дзякаваць удзячна
З вечара да рання.

Кузні і палеткі
Чысціць днём і ночай
Ад крыві мужыцкай,
Ад крыві рабочай.

Хай дымяць пажары
Тут і там крывава,
Каб было скрозь відна,
Як ідзе расправа.
............