Гэта старонка не была вычытаная
Дзе якое было жніва,
Ці ўрадліва, ці шчасліва;
Суды судзяць так і сяк,
Хто прасцей, хто накасяк.
На дзесятыя угодкі,
Паламаўшы загародкі,
Меншы, большы гаспадар
З перамогі цягне дар.
Той — сноп жыта, той аўчыну,
Той — шасцерню на машыну,
А кум — куму, свату — сват,
Хай жыве ўжо новы лад!
На дзесятыя угодкі
Варма вараць мёд салодкі,
А па мёдзе — рукі ў бок
Ды у скокі крок-у-крок!
Скача горад, скача вёска,
Адно іскры з-пад падноскаў…
Скачы, ўнуча, скачы, дзед,
Ад пабедаў да пабед!
Менск. 29/X 1927 г.
|}
