Гэта старонка не была вычытаная
3. Зашумела, загуло…
I
Зашумела, загуло,
Бы землетрасенне,
На палескае сяло
Пайшло утрапенне.
Люду хмара наплыла,
Покліч птушы ўзвіўся,
Небам сіняя імгла…
Скуль яны ўзяліся?
Украінцаў тут гурма
Й старобінцаў нашых
Набрыло, як на кірмаш,
На багнаву пашу.
Безлік хлопцаў-звадыяк,
Дзядзькаў барадатых,
Пілы вострыя ў руках,
Тапары, лапаты.
Што-та будзе тут цяпер?
„Нічога не будзе!“ —
Хітра думалі ў чацвер
Палескія людзі.
А ў нядзелю, чуць зара,
Сякеры запелі,
Ад лапат балот кара
Рвецца ў топкім целе.
Шум і гоман навакол,
Як на тым ігрышчы,
А лапаты рэжуць дол,
А сякера свішча.
