Гэта старонка не была вычытаная
Чакае Палессе
Людзей смелых, жвавых,
Каб прышлі і дружна
Ўзяліся за справу.
Рук яно чакае
Новых, гаспадарчых,
Спаборнікаў стойкіх,
Брыгадаў ударных.
Яны хутка прыдуць,
Вогнішчы разложаць,
Да канца балота
З багны адварожаць.
Бо йдуць чуткі сільна
Па цэлай краіне,
Што адкрыты скарбы
Ў балотнай пустыні.
4. Комуна
I
Вясной з‘явілася іх сем
Свет новы будаваць,
А восеняй прышло яшчэ
Іх семдзесят і пяць.
З Самарскае дывізіі
Было найбольш за ўсіх —
Балотных здольных піонераў,
Ахвочых, маладых.
Прышлі і фрунзаўцы варочаць
Супольна цаліну,
На дрэмлючых спрадвеку землях
Заводзіць навіну.