10. Raźnia niawinnych dzietak.
Św. Juzep pakinuŭ użo byŭ Betlejem, jak pryszli tudy pasłańcy biazbożnaho Heroda. Wyrywali jany ad matak dziaciej i zabiwali niawinnych na ich woczach.
U skoraści Boh pakaraŭ biazbożnaho Heroda. Usio cieła jaho pakryłosia ranami, a czarwiaki taczyli jaho jaszcze pry żyćciu. Ryczeŭ jon z bolu i chacieŭ adabrać sabie żyćcio. Strasznaja była jaho śmierć!
Pośla śmierci Heroda pakazaŭsia ŭ śnie Juzepu anioł i skazaŭ: „Waroczajcisia ŭ swoj kraj, bo Herod użo pamior“. Dyk św. Juzep z Jezusam i Maryjaj wiarnulisia da Nazaretu.
1. Majuczy dwanaccać hadoŭ, Pan Jezus paszoŭ z Matkaj Boskaj i św. Juzepam na wialikodnaja świata da Jerazolimy, dzie była pieknaja światynia. Daroha była dalokaja, ale Jezus iszoŭ z wialikaj achwotaj. Wielmi Jon ucieszyŭsia, ŭwidzieŭszy wialikuju światyniu, i maliŭsia ŭ jej tak pabożna, jak anioły pirad tronam Bożym u niebie.
