Гэта старонка не была вычытаная
Зарунелі гоні
Сталінскім засевам,
І спявае сёння
Край наш іншым спевам.
А ў Маскве чырвонай
Падрахункі, чыткі:
Беларусь гамоніць
Праз свае здабыткі.
Ды гамоніць стала
З волі дыктатуры.
Пройдзена-ж нямала
Па шляху культуры.
∗
∗ ∗ |
Былі пуціны розныя,
Блуканні без пуцін,
Пуціны ў часы грозныя
Схадзіліся бы ў клін,
Шырокія і вузкія —
Крывы быў іх разлог,
Краіна-ж беларуская —
Пярэсмыкі дарог.
З іх два найболей бітыя,
Вядомыя шляхі,
Другія ўсе размытыя,
Палын і лапухі.
