Старонка праверана
ПАЛТАВА
Прысвячэнне
The paver and glory of the war,
Faithless, as their vain votaries, men
Had pass'd to triumphant Czar.
Byron[1]
Табе — ды голас музы цёмнай
Ці закране твой чуткі слых?
Ці ўловіш ты душою скромнай
Палёт сардэчных дум маіх?
Ці прысвячэнне ад паэта,
Як і калісь яго любоў,
Пакінеш зноў ты без прывета
І не прызнаеш яго слоў?
Пазнай жа хоць былыя гукі —
10 Калісь была ты рада ім —
І думай, што і ў дні разлукі
У лёсе зменлівым маім
Твая сумотная пустыня,
Апошні гук тваіх размоў —
Адзін мой скарб, адна святыня,
Мае душы адна любоў.
Песня першая
Багаты, слынны Качубей,
Яго лугі — разгон прастору;
Там табуны яго каней
- ↑ Магутнасць і слава вайны, зменлівыя, як і іх суетныя паклоннікі — людзі, перайшлі на бок трыумфуючага цара. Байран.
