Гэта старонка не была вычытаная
Каб праўду раскрыць
І ўсё растлумачыць…
Няхай-жа ён, дасьць бог, згарыць,
Няхай яго вочы ня бачаць.
Праваліцца яму скрозь зямлю!
Убачу — сваімі рукамі зламлю
І будзь ён праклят! —
І вобземлю — гоп „апарат!“
III
У Дротавым сэрцы вялікае сьвята,
І хваліцца Дрот:
„Вось ён, разумны прыём дзе, рабята!
А прыклад — Хвядот!“
Ў Хвядотавым сэрцы таксама ня будні.
Сьмяецца Хвядот:
„Стары ён быў, падла, хоць кідай у студню,
А новы ён „вот!
Продукцыя вышай процэнтаў на сорак,
Спакой — на ўсе сто!
Тактыка, братцы, ядры яе корак,
Прыдумаў — нішто!
І носа сюды не паказвае болей —
Гані, брат, ва ўсю!
Такое раздольле,
Як гразь карасю!“
1928 г.
|}
