Гэта старонка не была вычытаная
МАЦІ
Ой, дурніца-ж я старая!
Бацька! ведаеш ты што?
Я — сьляпая, ты дурны:
Пэўна-ж любяцца яны?
Пасудзі, падумай сам…
Ото-ж сорам будзе нам!
АДАМ
Ну, ты скажаш! лепш маўчы.
Вады ў ступе не таўчы!
Mo‘ пашлі дзе на гуляньне —
Ці-ж яны манахі?
Кінь ты гэтыя гаданьні
І пустыя страхі!
МАЦІ
Ой, глядзі, глядзі, стары!
Удзяруць нам штуку.
Ліха выпаўзе з нары,
Будзе, будзе гуку!
АДАМ
А, ня бойся,
Заспакойся —
Ня будзе нічога.
Хай гуляюць —
Права маюць,
Ня судзі іх строга.
