Гэта старонка не была вычытаная
Сказаць-бы за сьветам
Быў выпадак гэткі,
Ня так-бы і крыўдна было.
А тут, як на зло,
На людзях прапаў у сяле…
ДРУГІ СЕЛЯНІН
Цікавасць ім, братцы, але!
Гамоняць мужчыны,
Шукаюць прычыны,
Дзе мог-бы падзецца Яхім.
Варожаць ды судзяць,
Узрушаны людзі
Здарэньнем ліхім.
II
Каля Яхімавае хаты
Дзьве кабеціны сядзяць.
Змучан горам твар Агаты,
Вочы смутна так глядзяць.
На руках дзіця малое,
Двое большых па бакох.
ЦЁТКА НАСТА
Вось дык ліха насланое!..
Ды мо‘ вернецца, дасьць бог. —
Так Агату разважае
Цётка Наста і сама
Мала ў гэта веры мае.
