Статут ВКЛ — Разьдзел 9. О подъкоморыхъ в поветехъ и о правахъ земленыхъ; о границахъ и о межахъ

← Разьдзел 8. О тестаменътохъ

Статут ВКЛ (1588) Разьдзел 9. О подъкоморыхъ в поветехъ и о правахъ земленыхъ; о границахъ и о межахъ 1588 Крыніца: http://www.pravo.by/sm_full.aspx?guid=102373

Разьдзел 10. О пущу, о ловы, о дерево бортное, о озера и сеножати →

Прапануем да спампаваньня!

РОЗДЕЛЪ ДЕВЯТЫЙ: «О ПОДЪКОМОРЫХЪ В ПОВЕТЕХЪ И О ПРАВАХЪ ЗЕМЛЕНЫХЪ; О ГРАНИЦАХЪ И О МЕЖАХЪ».

Артыкулъ 1

О уставленовенью подъкоморыхъ в поветехъ и о прысязе ихъ.

Уставуемъ, ижъ в кождомъ повете маеть быти подъкоморый присяглый и оселый в повете томъ, также и в земли Жомоитъской. Вед же того вряду подъкоморъства иначей давати не маемъ, одно за обраньем на то певныхъ особъ чотырехъ черезъ обывателей кождое земли и повету тымъ порядкомъ, яко обиранья инъшыхъ врядниковъ судовыхъ земъскихъ: судъи, подъсудка и писара — естъ в семъ статуте описано. А с тыхъ особъ обраныхъ и нам от становъ поданыхъ кого се намъ напрыстойней видети будеть, того мы, г[о]с[по]д[а]ръ, зверъхности нашое г[о]с[по]д[а]ръское на тотъ врядъ преложимъ и привильемъ нашымъ его потвердимъ до жывота его або до подвышенья на иньшый який большый врядъ або достоеньство. А перъвей, нижли тым урядомъ подъкоморъским справовати будеть, маеть прысягу на тотъ врядъ свой на перъшыхъ рокохъ судовыхъ земъскихъ передъ врядомъ судовым земъскимъ и передъ всими иными станы, такъ на роки прыбылыми, вчынити тыми словы: «Я, н[айме], прысегаю пану богу всемогущому, в тройцы единому, ижъ на вряде томъ земъскомъ подкоморъскомъ, который з ласъки и з рукъ его королевъское м[и]л[о]сти беру, его королевской м[и]л[о]сти г[о]с[по]д[а]ру своему м[и]л[о]стивому и обывателем того повету веренъ буду, справуючы тотъ врядъ верьне а справедливе такъ на суде моемъ подкоморъскомъ, яко тежъ при чинен[ь]ю границъ и пры сыпанью копцовъ, и поправенъю межъ, ничого болшей на томъ уряде не постерегаючы, одно справедливости светое, и не даючысе ни в чомъ уводити, ани приязни, ани звазни, ани даромъ, и погрозокъ ничиихъ не дбаючи, и сторонамъ не радечы, ани боячисе никого, толко самого пана бога а справедливость его светую передъ очима маючи. Также справы мое подкоморъские на всемъ веръне справуючи, споры обудву сторонъ зъ сказаньемъ, черезъ мене учыненым, пилне до книгъ своихъ судовыхъ уписуючи и с книгъ выдаючы, так ми, боже, поможы».

Артыкулъ 2

О повинъности и владзы вряду подъкоморъского.

Во всихъ розницахъ земляныхъ и граничныхъ за отосланъемъ от суду земъского або кгродъского мають подкоморые моцъю зверъхности нашое и владзы уряду своего давати позвы по стороны подъ именемъ и печатью своею и с подписъю руки своее и за тыми позвы своими от поданья ихъ, такъ очывистого, яко заочного, рокъ завитый на выездъ на кгрунътъ складати за шесть недель о всякие розницы земленые и иные входы, пожытки. Которые жъ позвы подъкоморого мають трвати от взятья ихъ до поданья албо положенья стороне толко черезъ годъ. А хто, позвы взявши, до году ими не позовет, тот потомъ инъшые позвы отновити и възяти маеть. А за позвы выехавшы подъкоморый на кгрунътъ пенъный и огледавшы доводъ права листовъ и знаковъ граничныхъ, и светковъ, чые листы лепшые, и знаки граничные певнейшые, и светки слушнейшые, тую сторону мает ку доводу прыпустити и, выслухавшы доводу, водле статуту маеть кгрунтъ пенъный и границы сказати, копцы и знаки граничные учинеть. А хто въ кгрунъте виненъ зостанеть, тотъ кгвалтъ платити повиненъ, а навезки всякого стану и головъщызны людей простых, так же шкоды вси за доводомъ слушнымъ правнымъ заразомъ там же на кгрунъте, не откладаючы того на иншый часъ и до инъшого суду, сказати и на то все листъ свой судовый подъ печатью своею и с подъписомъ руки своее дати. И колко кгвалъту, навезокъ, головщынъ, шкодъ подъкоморый скажеть, то черезъ листъ свой отвороный виненъ будеть вряду тому судовому земъскому або кгродъскому, от которого первей отосланье к нему тое справы было, ознаймити. А врядъ тотъ судовый за отосланьемъ и ознайменьемъ подъкоморого маеть стороне поводовой отправу на имен[ь]ю стороны противное водлугъ арътыкуловъ, в семъ статуте вышей о отправе речей сужоныхъ постановеныхъ, учинити. А где бы з обеюхъ сторонъ выводу правного на писме або тежъ и зънаковъ граничныхъ явныхъ слушныхъ не было, толко бы светки ставили, тогды поводовая сторона пры жалобе своей маеть быти ку доводу прыпущона, то естъ ку светкамъ, веры годным, и ку прысязе ихъ и самого жалобника. Вед же где бы поводовая сторона пущала на прысегу стороне позваной самой албо зъ светками ее, а она бы се за прысегу доброволне узела, тогды за прысегою речъ одеръжыть и кгвалту, боевъ, шкодъ воленъ будеть. А хто бы, взявшисе за прысегу, не учинилъ бы ее, тогды речъ тратить.

Артыкулъ 3

Около обосланья суседовъ граничныхъ и сумежныхъ ку выеханью на кгрунътъ пенъный.

А ижбы хто, ведучы право о кгрунътъ пенъный або розницы граничные з однымъ, не мелъ от кого иного зъ стороны переказы в томъ праве, яко се то прыдавати звыкло от околичныхъ суседовъ, границами и межами прилеглыхъ ку тому кгрунту, о который право идет, для того сторона поводовая або жалобная маетъ и тыхъ околичныхъ суседовъ на тотъ же выездъ листомъ подъкоморого обнести передъ рокомъ выезду подъкоморого зложонымъ принамней за чотыри недели, даючы с того листу копею под печатью возного кождому таковому суседу албо на именью ихъ кладучы и имъ то ознаймуючы, абы на рокъ, в томъ листе ознайменый, ку пригледанью выводу и становенья границъ прыбывали або сами, або черезъ врадниковъ своихъ, постерегали границъ своихъ. А где бы которые суседы околичные, граничные за обосланьемъ и упомнен[ь]емъ черезъ листъ подкоморого на тотъ рокъ выезду подъкоморого зложоный у оныхъ кгрунтовъ и границъ пенъныхъ, о што право идетъ, не становилися и своихъ границъ, межъ и кгрунтовъ не заступовали, тогды межы тыми двема сторонами предсе подъкоморый маетъ розсужати и граничыти. А што кгрунту таковых неприбылыхъ, тымъ межы двема особами граниченьемъ который з нихъ стороне занято, о то той особе неприбылой волно будет позвать передъ врадъ належный правомъ держачого спирати. А хто станетъ самъ на своей границы або черезъ кого жъ колвекъ боронити будетъ граниченья, тогды подъкоморый, покуль розница идетъ вземъшы ведомость от оного, хто боронитъ границъ, заховать маетъ право у належного суду с тыхъ, хто переказу учынилъ границамъ. А далей предся едучы, где бы переказа не была, маетъ границы конъчыти, а жалобникъ о тую переказу до права позвати маеть оного, хто переказилъ, до суду належъного о шкоды и о кгрунтъ оный, где се споръ сталъ. А судъ отошлеть на выездъ подъкоморого с тою особою, которая то перекажала, тому, хто границы велъ. И кгды бы з розсудку подъкоморого узнано, же, не маючы справедливости до оного кгрунту, але зъ направы або з вазни перекажалъ праву его, таковый шкоду, прынятую от выезду перъвшого, повиненъ будетъ заплатити оному укривжоному и кгрунтъ кгрунтомъ навезати такъ много, яко отнималъ або тою переказою собе прывлащалъ. А то маетъ быти черезъ подъкоморого ж отправлено, вымерившы кгрунтъ.

А о шкоды порадкомъ статутовымъ отправа будетъ учынена. Вед же где бы, розумеючы уближенья, до апеляцыи бралъсе, то ему не маетъ быти заборонено, яко статутъ учытъ, от подъкоморого суду. Але если бы у вышъшого права узнанъ былъ за упорного, таковый шкоду всю, от подъкоморого сказаную, совито стороне заплатити маеть, а кгрунтъ кгрунтомъ навезати, и черезъ подъкоморого врадъ маетъ то быть вымероно тымъ же посътупкомъ, яко о речахъ сужоных около отправы описуетъ.

Пакли бы тежъ опекунъ або заставникъ и кождый, дочаснымъ правомъ держачый именья, то учынилъ, а граничыть не допустил, тогды дедичове не повинни на томъ шкодовати, але самъ таковый, хто з упору, з васни албо заздрости переказу граниченью учынитъ, на своей маетности маетъ то терпети, кгды до права притягненъ будетъ тымъ порадкомъ, яко вышей описано, ведъ же о вечность кгрунту право заховуючы и волное мовенье детемъ недорослымъ, кгды летъ зуполъныхъ дойдуть. А где бы пры [в оригинале: «кры» — О. Л.] кгрунътехъ нашыхъ, г[о]с[по]д[а]ръскихъ, таковое граниченье кому с кимъ придалося, тогды деръжавца тыхъ кгрунътовъ нашы[х] таковымъ же способомъ, яко вышей описано, черезъ сторону поводовую листомъ подъкоморого маеть быти обосланъ. А такъ же и деръжавцы добръ нашыхъ в томъ заховатися повинни будуть.

Артыкулъ 4

О такихъ кгрунътехъ нашыхъ, г[о]с[по]д[а]ръскихъ, которые бы часу граниченья межы кгрунъты пенъными шляхетъскими были прылегълыми ку границы кгрунътовъ шляхетъских.

К тому и то варуемъ, ижъ где бы пры такомъ праве и граничен[ь]ю межы шляхътою примешалисе и прилегли кгрунъты нашы, г[о]с[по]д[а]ръские, а сторона бы которая, выводечы границу свою, займовала нашого кгрунъту, чого бы староста, деръжавца нашъ або подъданые нашы, менечы быти властъностью нашою, боронити хотели и не допущали по нашымъ кгрунътом граннцы вести, тогды подъкоморый маеть то на инъшый часъ отложыти, поки стороны албо одна з нихъ, которой того потреба укажеть, до насъ в той речы утечетьсе, а мы комисаровъ нашыхъ на то вышлемъ и виньни будемъ в такой речы заховатисе водлугъ сего жъ статуту, яко около розницъ межы кгрунътовъ нашыхъ и шляхетъскихъ вышей в семъ статуте, в розделе перъвомъ арътыкуле двадъцатом и в розделе четвертомъ арътыкуле осмъдесятъ третемъ естъ описано. А ку тому жъ року, на выездъ комисаровъ нашыхъ зложоному, сторона поводовая або тая, которая насъ о комисары просити будеть, винъна будеть сторону свою противную знову позвомъ подъкоморого припозвати также на рокъ завитый.

АРТЫКУЛ 5

О року завитомъ на выездъ подъкоморого, и хто бы на немъ за причынами правными не сталъ.

Уставуемъ, ижъ кождый рокъ выезду подъкоморого на кгрунтъ маеть быти завжды завитый. Ведь же где бы сторона, позваная на тотъ рокъ, за позвы подъкоморого зложоный, за правъдивою обложъною хоробою або за послугою нашою, г[о]с[по]д[а]ръскою и речы посполитое, в семъ статуте выражоною, стати не могла, с тыхъ прычынъ маеть быти вольна от того перъшого року, але о хоробе своей, если се перед рокомъ прыдасть, также и о послузе, маеть в часъ, яко наборъздей быти можеть, подъкоморому и стороне передъ рокомъ запозваным ознаймити такимъ обычаемъ, яко около такихъ обмовъ наука в розделе четвертомъ естъ постановена, абы вжо того року не пильновали, а подъкоморый повиненъ будеть рокъ на иньшый часъ за тыми жъ першыми позвы от року, за ними припадаючого, такежъ за недель шест[ь] преложыти и то стороне позваной черезъ того жъ ее посланьца, которого к нему с тою обмовою прышлеть, листомъ своимъ ознаймити. А сторона позваная стороне жалобной черезъ листъ подъкоморого виньна будеть о томъ преложенью року ведати дати того жъ часу скоро по обмове своей, надалей за тыдень албо, яко на часъ и далекостъ местъца знесеть, покладаючы черезъ возного копею з листу подъкоморого на томъ именью, с которого споръ о земълю идеть.

А если хороба припадеть близко передъ рокомъ выезду подъкоморого, тогды и на самомъ року. можеть такое отроченье ити, а подъкоморый рокъ на инъшый час, яко вышей описано, преложити маеть, за которымъ преложеньемъ на другомъ року сторона, которая на першомъ року не стала, повинъна будеть первей водлугъ статуту прысегою правдивое обложное хоробы своее довести. И если обмова хоробою будеть чынена на самомъ року, тогды въ присязе и то доложоно быти маеть, ижъ его в такъ близкомъ часе хороба зашла, же не могъ передъ рокомъ о хоробе подъкоморому и стороне дати знати, а о послузе нашой земской сведецьство слушное на листехъ нашихъ оказати, а потом з стороною противною росправу судовную наконецъ прыняти. По тому жъ и стороне поводовой такие обмовы ити, и она се в таких прыпадкохъ водлугъ того, яко о позваномъ вышей естъ описано, заховати маеть. А где бы которая сторона на хоробе прысегнути не хотела або о послузе сведецъства водлугъ сего статуту не оказала, таковая речъ свою тратить, а подъкоморый то, о што межы ними идеть, стороне, року пилнуючой, безъ доводу сказати маетъ. Пакли бы хто и на другомъ року за позвы подъкоморого хоръ былъ, таковый, если не самъ, тогды черезъ умоцованого своего, предъсе права пилен быти и передъ подъкоморым на кгрунъте становитисе и росправу водлугъ права прыймовати виненъ будеть. А если с права присега тому, хто хоръ, сказана будет, тогды светки его тамъ на местъцу передъ подкоморымъ заразомъ прысегу учинити винъни будуть, а ку пригледанью прысеги самого хорого маеть подъкоморый возного з двема шляхтичами, кого собе тая сторона, которая, хоробою будучы, прысегати будеть, упросить и в домъ оного послати, а сторона противная и своихъ посланъцовъ при той присязе можеть мети, и возного, а оный хоры [так!] повиненъ будет яко на хоробе своей, же былъ и естъ хоръ, такъ и на речы самой, если ее всхочеть одержати, присегу перед тымъ вознымъ и шляхтою учынити. А не прысягнетъ ли, таковый речь свою тратить. Если бы тежъ хто хотелъ се на першомъ року за позвы подкоморого вымовляти позваньемъ до иншого повету и суду, тогды таковая обмова, яко на року завитомъ, не маеть быти приймована, вынявшы толко тые причыны, где бы хто на тотъ же одинъ рокъ былъ позван в ыншом повете также о кгрунтъ земъленый. Позвы подъкоморого на завитый рокъ о речъ болшую важнейшую або теж до суду кгродского, буд[ь] и в ыншомъ повете або и в томъ одномъ, в такой речы, где о горло идеть, и рокъ бы ему на тот же одинъ часъ у кгроду, яко и передъ подкоморымъ припадалъ, тогды в такомъ припадъку сторона такова захована будеть водлугъ арътыкулу двадъцат[ь] семого в розделе четвертомъ. Можеть тежъ обмова противъ року за позвы подъкоморого ити и такъ сторонамъ, в праве стоячымъ, яко и сумежникомъ тымъ, кгды хто с пановъ радъ нашыхъ водлугъ повинъности своее, або хто иный для потребъ и справъ своихъ судовыхъ, на съемъ припадаючыхъ, албо тежъ, с которого повету в поселъстве будучы отправенымъ, на съемъ поедеть. Вед же тое бытности своее на сойме маеть сведецьство на писме слушное, за печатью нашою, на другомъ року за позвы подъкоморого показати, а не покажет ли, тотъ речъ свою тратить. Еще тежъ суды подъкоморъские ити не мають часу поветрея морового и подъ войною, которая бы была з уфалы соймовое посполитымъ всихъ рушеньемъ отправована.

Артыкулъ 6

Абы подъкоморый повинъности вряду своего досыть чынилъ.

Уставуемъ, ижъ подъкоморый от року, сторонамъ за позвы его прыпадаючого, никоторыми иными причинами вымовлятисе и проволоки справедливости людъской чынити не маеть подъ тою жъ прысегою своею, на врядъ его вчыненою, окромъ где бы его зашла хороба обложная, тогды онъ черезъ листы свои виненъ будеть сторонамъ обудвумъ о томъ знати дати.

А по выздоровенью подъкоморого сторона жалобная знову о то сторону свою противъную позвати маетъ. А подкоморый на другом року виненъ будетъ то передъ сторонамъ под тою жъ прысягою своею [в оригинале: «своюе»], на врадъ его учыненою поведити, же правдиве якою хоробою хор былъ, же для нее на оный рокъ прибыти не могъ. А где бы подъкоморый, не будучы хоръ и обмовы хоробою не чынечы, враду своего пиленъ не былъ и ку зволоце справедливости на рокъ запозваный не прибылъ, таковый повиненъ будетъ стороне поводовой за кождый омешкаый [так!] рокъ шесть [в оригинале: «шестs»] рублев] грошей заплатити, а о тую вину волно будетъ стороне жалобной позвати его до суду земъского на рокъ завитый. Вед же сторона жалобная по заложенью позвомъ подъкоморого стороны своее противъное маетъ подъкоморому о том надалей за две недели черезъ возного и сторону и черезъ листъ отвороный враду земъского або кгродъского дати знати. А который бы подъкоморый без причины хоробы своее до трехъ разовъ роков, за позвы его зложоныхъ, омешкалъ, таковый врад свой тратитъ.

Артыкулъ 7

О отозвехъ от суду подъкоморого.

Еще тежъ и то уставуемъ: где бы се кому судъ подкоморого не водле права виделъ, тогды по головной сказни речы самое волно каждой стороне отозватисе с тымъ до суду головного, за которым отозвомъ маетъ [так!] быти выслани от суду головного комисары, в ономъ же повете оселые, а звлаща кашталянъ оного повету, а где бы кашталяна не было, тогды маршалокъ нашъ того повету, и при нихъ по две особе шляхетъские людей добрыхъ, цнотливыхъ, веры годныхъ и у праве умеетныхъ. А в которомъ повете кашталяна ани маршалка не будетъ, в томъ таковая комисея отсылана быти быти маетъ до старосты судового того ж повету, а при старосте такежъ два шляхтичы прыданы на то будуть, а кашталянове, маршалкове або старостове подъ тою жъ присягою, на достоенъство ихъ вчыненою, винъни будуть справедливе такие речы, до нихъ отосланые, розсужовати. А рокъ тому выезду комисаръскому от суду головного будеть покладанъ водлугъ баченья ихъ, передъ которыми комисарми будеть повиненъ подкоморый справы суда своего оказати, а они моцни будуть судъ подъкоморого и границь, если бы в чомъ выкрочылъ, поправити або тежъ, если добре судилъ, пры моцы зоставити. А хто бы тежъ безъ прычыны слушное от суду подъкоморого отзов учинилъ, тотъ повиненъ за высланьемъ комисаровъ, в томъ дознаный, заплатити вины подкоморому шесть рублей грошей, а стороне противной тры рубли грошей. И кгды апеляция в которой речы от подъкоморого уростеть, тогды до выеханья с розсудъку комисарского присега стороне маеть быти задержана. Одънакъ же для памети знаки того заграниченья мають быти почынены и от того подъкоморому толко половица доходу его, нижей описаного, плачона будетъ, а тые кгрунты до росъправы комисаръское маютъ зоставати въ держанью тое стороны, которой подъкоморый присудитъ. Вед же и тотъ до розсудъку комисаръского того кгрунту, звлаща пущъ, дерева, пустошыти не маетъ, а при росправе комисаръской и прысеги водлугъ вынайденья ихъ слуханы и вжо наконецъ границы значъные починены и копцы водле потребы закопаны быти мають заразомъ через тых же комисаров. А за працу комисаромъ так же, яко и подкоморому нижей описано, плачоно быти маеть. Также присега на презыски и отосланье презысков, на отправу врадовую маеть ся задержати в тотъ часъ, кгды апеляцыя уростеть аж до росправы комисаръское. А по росправе комисарской зостанеть ли при моцы судъ подъкоморого, тогды отосланье презысков на отправу до враду судового маеть быти через листъ подъкоморого. А естли суду подъкоморого комисари поправять, то вжо и отосланье презысковь на отправу до враду комисары жъ черезъ листъ свой учинити мають. А таковые справы судовые, которые се скончать за выеханьемъ комисаровъ, маютъ быти вписованы в тые жъ книги подъкоморого. А похочет ли сторона вырокъ судовый до книгъ земъскихъ або кгродъскихъ вписать, то ей волно будеть.

Артыкулъ 8

О розницы в такихъ кгрунтехъ, которые бы были на границы спольной двухъ поветовъ.

Где бы тежъ розницы в кгрунтехъ придалися на гранцы [так!] сполной двухъ поветовъ, тогды не одинъ который подъкоморый, але обадва з обеюхъ поветовъ на такий кгрунтъ пенъный выехати мают. А подъкоморый одного повету маеть и виненъ будеть на такую справу выехати за обосланьемъ черезъ листъ отвороный другого подъкоморого того повету, в которомъ се повете будуть о то стороны до вряду земъского або кгродъского запозвали и до которого отъ врядовъ тая справа будетъ отослана, который листъ от подъкоморого до подкоморого сторона жалобная маеть носити або посылати. А тые подъкоморые обадва, укажет ли потреба за злученьемъ кгрунту пенъного и въ кольку поветехъ за обосланьемъ ихъ обычаемъ вышей мененымъ черезъ одного подъкоморого, зъехавшысе на рокъ, за позвы прыпалый на рокъ пенъный подъ тою жъ виною, яко вышей въ артыкуле о повинъности подъкоморого естъ описано, мають вси згодне межы сторонами споръными справедливость водле права посполитого учинити и суд свой границами и копцами, и листы своими судовыми умоцънити.

А от покладан[ь]я границы и сыпанья копцовъ доходъ свой подъкоморъский, нижей описаный, кожъдый зъ нихъ маеть брати от того, што будеть въ кгрунте которого повету границы учинено и копцовъ укопано. И для того кождый подъкоморый повиненъ границы повету своего с канъцлереи нашое на писме за печатью нашою у себе мети, и канъцлерея наша маеть имъ то выдавати. А где бы подъкоморые в которой справе розъсудкомъ своимъ не згодилися и за тымъ конца въ границы межы сторонъ учынити не могли, тогды каждый з нихъ всю справу, яко се точити будеть, и пры том зданъе свое, достаточне выписавшы, мають [в оригинале: «маить»] с тым сторон отослати до суду головного. А судъ головный, угленувшы в тые листы справы ихъ, мають то на сконъченье до комисаровъ, порядкомъ вышей описанымъ отослати, однак же комисаромъ мають зданье свое ознаймити — которого подкоморого судъ албо вынайденьемъ и правнейшое видетисе будеть. А хотя ж бы подъкоморые розъсудкомъ своимъ згодилися, а сторона бы которая, не переставаючи на ихъ сказанью, хотела апелевати, то ей волно будеть.

Артыкулъ 9

О доходехъ подкоморого и о книгахъ его.

Уставуемъ, ижъ доходъ подкоморому такий маеть быти, яко тутъ нижей описано: от позвовъ его — по грошу; от листу, который будеть писанъ до участниковъ албо других подкоморыхъ,- по два гроши; от листу, который будеть писанъ рокъ прекладаючи,- два грошы; от записанья справы до книгъ — грошъ; от выписовъ судовых по тому, яко писаръ [так!] земъскому албо кгродскому в розделе четве[р]томъ постановено за листъ отъсыланья презысковъ на отправу до вряду — шесть грошей. А за працу и проездъ подъкоморого мает ему заплата быти таковымъ обычаемъ: от копца кождого нарожного — по двадъцати чотыри грошы литовъскихъ, а отъ посреднихъ копцовъ от кождого — по грошей дванадъцати. А вед же копцы одинъ одъ другого не мають быти чынены ближей, одно черезъ пять шнуровъ волочныхъ, окромъ того, где бы ся граница закривеная прыдала и частейшыхъ копцовъ потребовано. А где бы тежъ копцовъ потреба не была, одно прегонен[ь]е межы было, тогды от таковое межы от каждых пети шнуровъ волочныхъ — дванадъцать грошей. А пересуду от сумы сказаное подъкоморый по тому жъ, яко и иные судьи земъские и кгродские, брати маеть, а вси справы, позвы и листы, и выписы всякие подъкоморый рукою своею подъписовати маеть. А книги подъкоморого по смеръти его мають быти отдаваны до вряду земъского судового того повету ку захованью ихъ пры книгахъ земскихъ. А кому з нихъ выписовъ якихъ потреба будеть, тому мають быти выдаваны с подъписью писара земъского и с печат[ь]ю судьи и подъсудъка.

Артыкулъ 10

О установенью черезъ подъкоморого коморъниковъ.

А ижъбы отправа всякихъ справъ, вряду подъкоморого належачыхъ, омешканья и затрудненья никоторого не прыймуючы, але тымъ снадъней, окромъ всякое проволоки и продлуженья, скутокъ и конецъ свой справедливость прыймовала, прото в кожъдомъ повете подъкоморый ку помочы своей маеть обрати одного або тежъ и двухъ коморъниковъ шляхтичовъ, у повете оселых, людей годъныхъ, статочныхъ, в праве умеетныхъ и писати умеючыхъ, которые на рокохъ судовыхъ передъ кашталяномъ або маръшалъкомъ поветовымъ и передъ урядомъ земъскимъ, а в небытности кашталяновъ, маръшалъковъ — передъ урядомъ судовымъ земъскимъ и иными станы, на роки прыбылыми, мают прысегу таковую жъ, яко самъ подъкоморый на врядъ свой подъкоморъский, учынити. Ведь же тые коморъники мають быти от подъкоморого за недоспехомъ его самого посылани ку розъсудку и граниченью и инымъ справамъ, вряду подъкоморъскому належачыми [так!], за позвы самого подъкоморого, толко в речахъ малыхъ, не важныхъ, где бы шло о волоку кгрунъту аоо меньшъ, маючы на то моцъ и владность такую, яко и самъ подъкоморый. И доходъ коморъникомъ от границъ, копцовъ и межъ маеть быть такий, яко подъкоморому. А на большые, важнейшие речы самъ подъкоморый ездити и росправовати то повинен. А где бы кому судъ коморъника которого не подобалъсе, о то отзовъ ити маетъ, яко и одъ подъкоморого до суду головного. Одно жъ если бы се што в справе, в писанью и в поступку иньшом якомъ черезъ коморъника поблудило, нижли бы прышло до розъсудку скутечного о границы, о такие речы росправа з ними маеть быти передъ подкоморымъ. А подъкоморый виненъ з нихъ справедливость чинити от прынесенья к нему жалобы надалей за две недели и моцонъ будеть облуженья ихъ поправити. А где бы в томъ чыненъю справедливости с коморъникомъ або въ якомъ самого подъкоморого облуженью, звлаща подъ часомъ заочного его сказанья, где апеляцыя быти не могла, кривда се стороне видела, тогды о то подъкоморого волно позвати до суду головного на рокъ завитый и тамъ, где подъ онымъ часомъ судъ головный будеть.

Артыкулъ 11

О томъ, где бы в кгрунъте земленомъ от самого подъкоморого кривда кому деяласе або ему от кого.

Пакли жъ бы кому от самого подъкоморого албо подъкоморому отъ кого иного кривда в кгрунте деяласе, таковый укривжоный мает сторону свою противъную водлугъ науки и описанья сего статуту до враду належного позвати. А тамъ, на враде, справа прыйдет ли до того, же выезду на землю не потреба будеть, тогды в таковой речы мають з уряду судового земъского две особы, суд[ь]я с подъсудкомъ, а если бы тые обадва быти не могли, тогды з однымъ з нихъ которымъ писаръ земъский на тотъ кгрунтъ пенный выехати и то промежъку сторонъ водлугъ права розъсудъкомъ своимъ сконъчыти. А рокъ такому выезду, если се такая справа у суду земъского точыти будеть, маеть быти очывисте сторонамъ зложонъ завитый, по доконанью роковъ земъскихъ в чотырохъ неделяхъ. А если такая речъ с подкоморымъ отослана будетъ на кгрунтъ отъ суду кгродъского, тогды сторона поводовая маеть свою противную сторону позвом тых двухъ врядниковъ судовыхъ, земъскихъ, которые там поспети выехати будуть, такежъ яко и подъкоморого позвомъ на шест[ь] недель и на рокъ завитый позвати. А если бы зима зашла, жебы передъ снегомъ граничитисе не могло, тогды рокъ за позвы и очывисте маеть быти складанъ по зъбеженью снегу водлугъ уваженья часу слушный и прыстойный. А апеляцыя и от тыхъ двухъ врядниковъ, где бы се кому судъ ихъ не подобалъ, мает ити до суду головного, яко и от подъкоморого. А за выеханьемъ комисаръскимъ тые врядники такежъ, яко и о подъкоморомъ написано, винъни будуть на оную границу выехати и суда своего комисаромъ справу дати, а комисары водлугъ права то конъчыти будуть. А за проездъ и працу тымъ врядникомъ земъскимъ не иньшый доходъ в такой справе маеть быти, якъ подъкоморому, а межы собою то наполъ делити будуть. А справы такие такежъ до книгъ подъкоморъскихъ уписовать и до книгъ земъскихъ або кгродъскихъ сторона собе перенести маеть.

Артыкулъ 12

О отнятье именья в границахъ.

Уставуемъ: если бы которые от найвышъшого аж до нижъшого сътану особы, такъ духовные, яко и светъские, мели именья, люди и земли, ловы и лесы, озера и бобровые гоны в границахъ або в межахъ, а хотелъ бы одинъ другого, перешедъшы границу або межу, в землю вступоватисе або в люди, земли, ловы и лесы, озера и сеножати, и бобровые гоны отнимати, хотечы его с того именья або кгрунту входовъ, пожытковъ якихъ вытиснути, тогды укрывжоная сторона маетъ о то противную свою сторону до суду належного, водлугъ замеренья и порадку сего статуту, позвати, а тамъ за позвы передъ судомъ належнымъ, если бы се тая речь промежку нихъ не сконъчыла, але бы на судъ подъкоморого отослана была, ино кгды вжо в такихъ речахъ до розсудку подъкоморого прийдетъ, маетъ з обудву сторонъ по девети светковъ передъ правомъ поставити на томъ кгрунте пенъномъ. И кого зъ нихъ найдетъ подъкоморый ближшого ку доводу, а то с тыхъ прычынъ, яко вышей в другомъ артыкуле сего розделу естъ поменено, того припустившы ку доводу и оныхъ светъковъ, от него поставленыхъ, выслухавши, присегу ему с трема светкома, которыхъ сторона противная с тыхъ девети оберетъ, сказати маетъ.

А кгды тымъ обычаемъ присегу самъчетвертъ учинит, тогды тотъ кгрунтъ, о который споръ шолъ, одержати маетъ. А где бы у права то показалосе, ижъбы хто, отнявшы або отнимаючы кому кгрунтъ або входы, пожытки якие, а о то до права былъ позванъ и на оный кгрунтъ у суду жадного права яко листовного, такъ ани знаковъ слушныхъ и явныхъ граничныхъ не показалъ и светков ку доводу водлугъ сего статуту ни одного не ставилъ, только такъ голыми словы тот кгрунт своил, а сторона бы поводовая, якъ право листовные або знаки слушные и явные граничные показала, также светки водлугъ сее науки статутовое стали, тогды таковая сторона за показаньемъ права листовного або знаковъ слушныхъ и кромъ присеги одно за сведецъствомъ девети светъковъ при кгрунте зоставлена маеть быти. Одно жъ если бы тая сторона отпоръная, которая светков не маетъ, бралася сама до присеги, а жалобная сторона ей допустити того не хотела, але сама за присегу брала, тогды вжо жалобникъ такежъ толко самъ одинъ, без светковъ можетъ и близшый будеть присегнути. А то жъ се маеть розумети и о поводовой жалобной стороне, кгды бы кого о кгрунтъ позвавшы, а за собою сведецства на писме, также знаковъ граничныхъ, ани светковъ не мела, тогды позваный при держанью своемъ близшый будетъ самъ один присегнути.

Артыкулъ 13

О такомъ, хто бы без причинъ слушныхъ правныхъ на року за позвы подъкоморого не сталъ.

Тежъ уставуемъ: если бы которая сторона такъ отпоръная позваная, яко и жалобная, на року, за позвы подъкоморого припаломъ, без причинъ слушных правныхъ, вышей, в семъ же розделе выображоных, не стала, тогды подъкоморый стороне другой, которая року пилновати будеть, тую речъ, о што промежку них право идеть и што на позве описано, вжо без присеги жадное, одно яко тотъ, хто року пилнуеть водлугъ описанъя в позве з светками своими границу або межу заведеть, сказати и на вечъность присудити маеть. Однакъ же, забегаючи хитрости людской, и то варуемъ, ижъ где бы тая сторона, противъ которое таковое заочное сказанье выйдеть, менила собе в томъ переводе права кривду за утвореньемъ черезъ сторону ее року неправдивого, тогды в такой речи волно будеть ей о злый переводъ права передъ тот же судъ подъкоморъский противную сторону свою позвати, около чого они мають быти сужоны прикладомъ арътыкулу того, который естъ постановенъ о злый переводъ права в розъделе четвертомъ.

Артыкулъ 14

О светкохъ, якие мають быти припущоны до сведецъства.

Еще уставуемъ, ижъ светки о речъ земленую и о доводъ держан[ь]я земли, такъже и о кождую речъ не мають ку сведецству припущаны быти жыдове, одно люди веры хрестиянъское всякого стану и тые, которые привильемъ нашимъ ку сведецству прыпущоны, толко бы были люди добрые, цнотливые, богобойные и ни в чомъ не подозреные. Тогды таковые ку сведецству мають быти припущоны. А татарове, где бы се имъ трафило о кгрунтъ межы соб[о]ю и з людми хрестиянъскими право вести, а скажут ли имъ доводъ албо отводъ, тогды они водлугъ привильевъ своих и закону своего присегу чынити мають. А в таковой справе ихъ хотя и татарове, толко бъ люди добрые, цнотливые и веры годъные, светками быти могуть.

Артыкулъ 15

Хто бы кому светки ганилъ.

Коли бы хто своволне и безъ слушное причыны стороне поводовой светки ганилъ, а онъ если бы водле права поставилъ деветь светковъ, а тотъ бы межи тыми деветма светки не обралъ трех веры годныхъ, а отставлялъ ихъ, хотечы имъ тымъ права сконъченъя переказити, а тотъ, яко поводовая сторона, другими се светки не опатрылъ, а мелъ бы тымъ на ономъ року завитомъ речъ свою упустити, тогды таковый, хто ганить светкомъ, маетъ там же заразомъ передъ подъкоморымъ того слушным доводомъ на писме доводити. А если бы того на нихъ, в чомъ имъ ганилъ, не довелъ и не показалъ, а подкоморый узналъ бы то, же имъ прожно ганилъ и отставлялъ, тогды таковый отставуючый тых светковъ кождого зособна зганеного светка водле стану повиненъ будетъ навезати водлугъ роду ихъ: шляхтича яко шляхтича, а хлопа яко хлопа, такъ, яко бы его ранилъ. А подкоморый або комисары навезку тую светкомъ таким заразомъ там же маетъ сказати, а светковъ тыхъ ку сведецъству припустити. А если бы на которого светъка або на колко ихъ того, в чомъ имъ приганитъ, и речъю самою довелъ, тогды тая сторона, чые светъки будуть, маетъ на местце того або тыхъ зганеныхъ иншых светковъ поставити — не может ли быть того дня, тогды назавтрее, а надалей третего дня. Пакли жъ бы се то трафило, жебы собе светкомъ з обу сторонъ наганили и одинъ на другого светъковъ того приганенья довелъ, тогды тые светки зганеные на обе стороне маютъ быти отставлены, а знову инъшыхъ светковъ, людей веры годныхъ, неподозреныхъ з обу сторонъ мають ставити и с тыхъ ку присязе обирать будуть.

Артыкулъ 16

О землю обрубную и тежъ о суместные земли, яко мають доводъ чынить.

Тежъ уставуемъ: естли бы которой стороне о землю обрубъную ограничоную поводъ с права былъ сказан, тотъ светковъ своихъ маеть подле обычаю права девети передъ правомъ поставити, и якъ тотъ панъ або земенинъ, поколе с тыми светъками своими границу заведшы, прысегу самъчетвертъ с трема светками учинить, потоль маеть граница уделана быти. Нижли есъли бы право мели о землю сумежную, а не в одномъ местцу, але порозну нивами або обрубами лежачую, а была бы тая земля ку одному двору або именью шляхетскому, будь правомъ прырожоным або якимъ набытымъ прыслухаючая, тогды тые жъ одны светки могуть о кождую ниву, сеножать або обрубъ светъчыти. И объв[е]дъшы вси такие розные пенъные земли, потомъ сам тот пан, который ку доводу припущон будет с трема светками, одным разомъ на вси тые земли присягу учинити маетъ. А подъкоморый маеть имъ роту прысязе достаточную на вси тые земли одным разомъ, меновите их списавшы, казати имъ выдати.

Артыкулъ 17

Хто бы мелъ вести право з воеводою, з старостою и державцою о землю свою, а тотъ бы мелъ именье в томъ же повете, где естъ врядникомъ.

Тымъ тежъ обычаемъ, если 6ы который врядникъ нашъ, маючы именье свое властное в томъ повете зъ староства або державы своее, с которымъ шляхтичомъ о землю свою копу вести мел, тогды маетъ справоватисе, яко вышей описано о кгрунтъ земъленый, маетъ поставити деветь светковъ, шляхту и иныхъ людей добрыхъ, веры годныхъ, а не подъданыхъ того вряду прысуду своего, але инъшыхъ сторонънихъ. И такъ тежъ подъкоморый маетъ смотрети листовъ, границъ, знаковъ, и чые листы будут або границы лепшые, тая сторона маетъ быти прыпущона ку доводу. Вед же если староста, деръжавъца не мелъ ближшими граничниками тое земли пенъное людей инъшыхъ обчыхъ надъ людей староства своего, тогды вжо пры инъшыхъ обчыхъ людяхъ и такими подъдаными нашыми доводити будет мочы.

Артыкулъ 18

Хто бы кому границу або межу сказилъ.

Коли бы шляхтичъ шляхтичу границу сказилъ або огнемъ выжогъ, або вырубалъ кгвалтовне, або яко колвекъ инакъ выказилъ, або копцы роскопалъ, або межу сказилъ, або бы привлащаючы хто собе болшъ кгрунту, а границы и знаки новые по чужой земли кгвалтовне а безправне почынилъ, а было бы то на него правомъ переведено, тогды таковый маеть заплатити ображоному дванадъцать рублевъ грошей, а подъкоморому копу грошей, а за каждый копецъ скажоный три копы грошей. А если бы шляхтичъ шляхтичу межу переоралъ, тогды за переоранье межы три рубли грошей, а подъкоморому полъкопы [в оригинале: «полъсюпы»] грошей, а границу або межу, черезъ него скажоную, маетъ засе передъ подъкоморымъ направити по-старому. А если бы простого стану чоловекъ шляхтичу границу порубалъ, выжогъ, сказилъ або межу переоралъ и значне зопсовалъ, тогды такий виненъ будетъ тому шляхтичу вины три рубли грошей заплатити, а границу и межу по-первому направити. А где бы чоловекъ простого стану другому тежъ простого стану чоловеку межу переоралъ и сказилъ, тогды за скаженье тое межы будетъ виненъ заплатити рубль грошей, а межу направити, бо если бы кому ся кривда в границы або межы видела, ино о то мают се правомъ спирати, а не кгвалтомъ. Вед же свою старую границу або ст[ен]у [в оригинале: «стту»; трактовка дается по транскрипции в изд.: Статут Вялікага князства Літоўскага. Тэксты. Даведнік. Каментарый. Мн., 1989 — О. Л.] зарослую, где бы потреба указовала, поновити и поправити, то будет' волно учынити каждому на своемъ властномъ кгрунте и по старыхъ знакохъ и границахъ, вед же от подъкоморого коморника взявъшы и сторону через возного объвестившы, с кимъ границу тую маеть. А если бы сторона не выехала або не выслала, то предъсе передъ коморникомъ волно поновити, однакъ жо старыхъ знаковъ не псуючы. А коморникъ, бывшы при такой справе, маетъ то до книгъ подъкоморого созънать и знаки поновленые вписать.

Артыкулъ 19

О лесъ сумесный и о проробки.

Уставуемъ: если бы хто мелъ лесъ суместный неделный, а который участникъ всхочетъ такий лесъ на пашню або на сеножать проробъливати, тогды тому волно будеть такий лесъ теребити и проробливати. Вед же такъ, ижъбы другого або другихъ участниковъ своих проробкомъ своимъ от ихъ кгрунтовъ не заходилъ, а ку тому большъ не займовалъ, одно яко часть на его того лесу приходити будеть. А другимъ участникомъ своимъ, жебы такъ много того лесу заставовалъ, яко имъ на части ихъ приходить, и такъже ровно доброго к[г]рунъту, який онъ займетъ. А если бы хто болшъ своее части и лепшого кгрунту проробилъ, а былъ бы о то до права позванъ, тогды з розсудку врядового виненъ будетъ то, што болшъ надъ частъ свою занялъ, вчастникомъ своимъ пустити на томъ же местъцы и такъже доброго, погожого и пожыточного местъца, яко бы всимъ вчастникомъ ровно было. А противъ дерева порубаного болшъ надъ его часть тежъ дерева вчастникомъ где на инъшомъ местъцу з своее властное части споручъ имъ такъ много и такъ доброго завести. А не будет ли по тому лесу мети, тогды пенезми за доводомъ заплатити, вед же половицою цены статутовое, нижей описаное. А где бы который участникъ потребовалъ делу мети в селе або пущы суместной, а инъшые бы вчастники не хотели з нимъ делити, тогды ему о тотъ розделъ волно будеть вчастниковъ своихъ до суду земъского на рокъ завитый позвати. А тамъ с права маеть быти имъ делъ съказанъ на ровный [так!] части водле права кождого з нихъ. А тотъ делъ маеть бытъ чыненъ тымъ порядкомъ, яко в розделе шостомъ около розделу промежку братьи постановено.

Артыкулъ 20

О реку, где граничыть.

Тежъ где бы река граничила именья або бы чый кгрунтъ, поля, сеножати, лесы к реце прилегли, тогды кождый з берега своего мает ее до половицы уживати. Вед же в которыхъ местцахъ и краехъ сего панства нашого и на такихъ сполныхъ рекахъ здавна досихъмест былъ який обычай забиванья езовъ, затоковъ або сежъ, таковы[й] и впередъ захованъ быти маеть. А где бы которая река граничьная на чи [так!] берегъ, песокъ незначне сыплючи, прибавокъ чинила, тот прибавокъ маеть быти того пана, чый берегъ естъ. А если бы река кгвалтомъ инуды пошла, тогды старое речыщо маеть быти предсе границою, а того речища, будеть ли в ней який пожитокъ, также каждый з берега своего по половицы уживати мають. А у тое реки граничное, которая се инуды обернула, обадва береги того быти мають, чыимъ кгрунтомъ поидеть. А если бы хто реку перекопалъ умысльне ку шкоде суседа своего, а о то бы его ку праву позвалъ и того бы на него довелъ водле права, тогды маеть оному право сказати, абы засе реку по-старому загамовал, а за то будеть повиненъ стороне жалобливой кгвалту дванадцат рублевъ грошей заплатит[ь], яко бы границу сказилъ и вси шкоды, што в пожитокъ тое реки шкодовал, з розсудку оправити.

Артыкулъ 21

Коли бы хто своим ставомъ инший ставъ або сеножати затопил або греблю к чужому берегу присыпал.

Тежъ уставуемъ: коли бы хто у своей дедизне всю суполную реку мелъ, то естъ обадва бы береги его были, а на ней ставы и млыны поставил, а суседние вышние млыны своим ставом затопил, такъ ижбы ув ынших вышъших млынех за подвышеньем воды в нижнем ставе мливо быти не могло, албо если бы сеножати затопил без воли того пана, чые сеножати сут[ь], а онъ бы за то отмены взяти не хотел, к тому, если бы теж хто половицу реки, то есть одинъ берегъ маючы, а присыпалъ греблю к берегу другому чужому або што кгрунту, сеножати чужое водою занялъ и затопилъ, албо шкодливе подъмочылъ, такъ ижъбы хто пожытку звыклого слушного, який передъ тымъ мевалъ с того кгрунту своего, мети не могъ. А то бы учынилъ своволне без дозволенья того, чый другий берегъ тое рекл або чый кгрунтъ затопилъ, або шкодливе подъмочыл, тогды таковый укрывжоный, обведшы и оказавшы то возному и стороне, маеть того суседа своего первей в томъ листомъ упоминальнымъ черезъ возного напоменутъ, абы воды знижылъ и греблю новоприсыпаную от чужого берега откопалъ. А если бы того за упомненьемъ такимъ не вделалъ, ино укривжоный о то до суду земского маеть позвати. А врядъ земский на осуженье и на сконьченье таковую справу на судъ подъкоморого отослати маеть. А передъ подкоморымъ покажетъ ли се то явне с права, же в которой с тыхъ речей кривда се ему дееть, тогды подкоморый маеть на той противной стороне ему дванадъцать рублевъ грошей кгвалту и к тому шкоды, што бы ихъ затымъ у замешканье млива або в неужыванью кгрунту своего затопленого подънялъ, за доводомъ слушнымъ сказати. А такового ставу, где хто оба береги свои маючы, воду ку шкоде млива суседнего подвышилъ або чужого кгрунту залилъ або подъмочылъ, воду спустити и знижыти такъ, яко бы и мливу верхнего ставу ничого не шкодило, и кгрунтовъ, сеножатей чужыхъ не заливало и шкодливе не подъмочывало. А тую греблю, которая бы присыпана была к чужому берегу, жебы роскопалъ и воду выпустилъ такъ, яко бы чужого кгрунту греблею не дотыкалъся и водою его не заливалъ. Вед же хто бы черезъ давность земскую десеть летъ о подтопленье млына своего, о присыпан[ь]е к своему берегу гребъли и о залитье кгрунтовъ молчалъ и правомъ о то с противною стороною не поступовал, тогды вжо таковый о то вечне молчати мает.

Артыкулъ 22

Хто на чыей земли посеетъ збожье, якъ маеть заповедати возьнымъ, абы не звозилъ до права.

Уставуемъ: хто бы на чыей земли збожъе якое кольвекъ без ведомости оного, чый кгрунтъ, посеялъ, тогды тотъ, хто своею землею быти менуеть, маеть взяти листъ заповедный от вряду земского або кгродъского того повету, в которомъ тотъ кгрунтъ лежыть, и тымъ листомъ врядовымъ через возного и двух чоловековъ сторонъны [так!] якого колвекъ стану маеть заповедати тое збоже самому тому пану або его вряднику, хто будеть самъ або его подъданый посеялъ. А если бы самого пана або врядника возный в дому не засталъ, або се указати не хотелъ, тогды покладаючы копею с того листу заповедного на именью тымъ обычаемъ, яко о покладанью листовъ упоминальных естъ доложоно. А в томъ листе заповедномъ, написавшы тую землю, где збоже засеяно меновите и достаточне, яко где лежыть, маеть быти доложоно подъ закладомъ на врядъ и сторону дванадцатма рублями грошей, абы тотъ, хто сеялъ, того збож[ь]я с того кгрунъту не звозилъ, але пожавъши его перед возным и людми сторонъными, на то от стороны жалобное послаными, и за ведомостью а поличеньем того возного и стороны поставил на той же земли до права и опатрил то добрым зложеньем и огороженьемъ, яко бы в нем до росправы шкода не сталася. И по той заповеди сторона жалобная мает сторону свою противную надале[й] за шесть недел[ь] позвы подкоморого ку росправе о тую землю позвати. А где бы зъ якихъ припалыхъ слушных правныхъ причын в шести неделях по заповеди позвати не могъ, тогды еще ему часъ позыванья заставити маеть и через другую шесть недель. И если бы тотъ, хто заповедалъ передъ подкоморымъ албо коморъникомъ, довелъ того правомъ, што жъ оный противникъ его тое збоже будеть посеялъ на его властной земли, тогды маеть ему быти яко земля, такъ и тое збожье и к тому кгвалту дванадцать рублевъ грошей сказано. А где бы тое збожье заповедное погнило або потравълено, тогды то ему противная сторона водлугъ статуту заплатити повинна будеть. Если жъ бы хто черезъ заповедь права не дождавшы, оное збоже пожалъшы, с тое земли прочъ звез, тогды маеть того закладу половицу стороне противной шесть рублевъ, а другое половицы три рубли грошей подкоморому, а другие три рубли грошей вряду тому, от которого листъ заповедный выйдеть, заплатити, которую заруку за отосланьемъ подъкоморого врядъ стороне, подъкоморому и собе справити на именью того винъного маеть, а збоже стороне з навезкою отдати або водлугъ статуту заплатити виненъ будеть. А будет ли хто на своей власной земли сеяти, а другий ему то заповедавшы, а того бы правомъ не довелъ, ижъбы его земъля была, таковый самъ маеть тотъ закладъ вряду и стороне платити, а кгрунтъ и збоже пры томъ, хто сеялъ, маеть зостати. А хотя бы збожъе погнило або стравлено было, того вжо онъ на противной стороне пойскивати не маеть, кгды жъ, яко вышей доложоно, онъ то мелъ опатрити, яко бы с тое меры шкода збожъю не была. Если бы се тежъ то трафило, жебы такое збоже пенъное, на поли зложоное, до росправы судовное с поля покрадено, ино застанет ли при кгрунъте тотъ, хто сеял, тогды ему тое жыто оный, хто прожно заповедалъ, виненъ заплатити, а собе в той шкоде винного искати. Зостанет ли пакъ с права при кгрунте тот, хто заповедалъ, тогды онъ, хто сеялъ, маеть ему тое збожье заплатити, а собе винъного в томъ исъкати. Такая жъ се заповедь и росправа маеть точыть и о сеножатяхъ пенъныхъ. Пакли ж бы хто черезъ дванадцать недель по заповеди стороны своее противное в такой речы передъ подъкоморого не позвалъ, тогды тому, хто сеялъ, волно будеть збоже або сено свое побрати. А будет ли в томъ часе покрадено, тогды тое шкоды на стороне противной искати. А тому, хто заповедалъ, вжо толко о кгрунтъ волно будеть и по оныхъ дванадцати неделяхъ правомъ чынити передъ судомъ належнымъ водлугъ порядку, въ артыкулехъ инъшыхъ сего жъ розделу, вышей описаныхъ. А на пенной земли нихто кгвалтовне не маеть збожья топътати и псовати, але се в томъ правне обыходить мають, яко вышей описано подъ зарукою вряду и стороне, вышей в семъ арътыкуле помененою.

Артыкулъ 23

Хто бы земли в держанью былъ, а другий, правомъ не переперъшы, жыто пожало [так!] або жатое побралъ, або бой учынил, або соху зрубалъ.

Теж уставуем, иж коли бы хто которую землю держал у спокойном держанью, а с покоем сеял або о[р]ал, а другий, пришедши на тое поле, жито пожал або жатое побрал, або побил, потопътал, а вдарил самого або ч[е]л[о]в[е]ка его або которого колвекъ стану, або соху, колеса, борону зрубал и сошники взял, таковый мает платити кгвалтъ дванадцат рублев грошей. А если возмет без бою, тот мает шкоду заплатити з навезкою: коня — конем, а вола — волом навезати, а за соху десет грошей, а за нароги дванадцат грошей, за колеса дванадцат грошей, за борону шесть грошей заплатити. А потом, коли похочет, держачого о тую землю мает правом водле права спирати. А если бы хто в кого кгрунтъ отнималъ, а другий того боронил и в держанье не дал, тому мает быти право у суду належного. И хто в земли будет винен, тот мает шкоды и кгвалтъ оправити, яко коло того вышей описано.

Артыкулъ 24

О увязан[ь]е в ымен[ь]е за долгъ або за инъшую причину, яко се мають справоват[ь].

Уставуем: если бы от насъ, г[о]с[по]д[а]ра, был послан дворанин нашь увязыватисе в чые именье за суму п[е]н[е]зей, которая бы прислушала до скарбу нашого, тогды тот посланец мает приехати до того именья и, вземши з уряду земского або замкового возного и людей добрых, шляхту, оного именья люди вси и их маетности списати и один реестръ дати до скарбу нашого, а другий до замку або до суду земского, а третий мает у себе зоставити для того, абы в час помовки мел чым се выправити. Также и для того, жебы потом с тым же тое именье, с чым взято, по заплате п[е]н[е]зей тому, чые будет, привернено было. Нижли где быхмо мы, г[о]с[по]д[а]рь, часу росправы перед нами сторон въ якой справе, суду нашому водлугъ сего статуту належачой, што на комъ сказали, тогды в такой речы маемъ отсылати через листы нашы на отправу до вряду земъского або кгродъского в томъ повете, где виноватого оселость лежыть и которому суду тая отправа належати будеть. А врядъ, до которого отошлемъ, винен будеть отправу чынити водлугъ того, яко о отправахъ речей сужоныхъ в розделе четвертомъ естъ доложоно, без жадное проволоки, але отъ принесен[ь]я до враду листу нашого отосланого надалей за чотыри недели, звлаща, где бы роки заплате пенезей, водлугъ статуту зложоные, не зашли. А будут ли роки положоны, ино по выстью роковъ тому досытъ учынити, тежъ надалей до чотырох недель.

Артыкулъ 25

О именье, которое, зволивъшыся, дадуть до рукъ нашыхъ, г[о]с[по]д[а]ръскихъ.

Тежъ уставуемъ, ижъ коли бы обедве стороне зволивъшися и дали именье в руки нашы, г[о]с[по]д[а]рские, до росправы, а мы быхмо которому вряднику нашому або черезъ листы нашы, або черезъ увязчого оное именье до воли и науки нашое в держанье дали, тогъды врядникъ нашъ воленъ будеть в томъ именью слушную живность собе мети, а з двора ничого не маеть возити, але будет повиненъ оное именье со всими речми рухомыми, такъ тежъ и з доходы, часу д[е]ръжанья своего собраными, оной стороне, которо [так!] прыслушаеть, верне а зуполне за листомъ нашымъ, г[о]с[по]д[а]ръскимъ, отдати и дозрети того, жебы в ономъ именью за деръжанья его жадная шкода и спустошенье не сталосе. А если бы тотъ врядникъ иначей вчынилъ, повиненъ будеть оной стороне шкодной всю шкоду и згубу платити, а мы и потомки нашы винни будем с нимъ той стороне справедливость за позвы вчынити на першомъ року яко на завитомъ.

Артыкулъ 26

О именье нероздельное межы братьею або близскими.

Тежъ уставуемъ, ижъ коли бы которая братья рожоная або и далшые в роде, нижли братья рожоная, зуполные лета маючы, мели которое именье суместъное нерозделное, а потомъ бы добровольне зволившысе тое имен[ь]е собе на части зровнали и росписавшы промежку себе поделили и на то листы и рейстра делчые под печатьми своими, а хто умееть писати — и с подписью руки и теж под печатьми людей добрыхъ подавали, и тотъ делъ на враде сознали, таковый делъ вечне трвати маетъ. Также и тот делъ вечне при моцы зоставати маеть, который межы незгодными с права сказанъ и врадовне постановенъ будеть. А если бы толко листы, реестра делчые промежку себе дали, а на вряде не сознали, а давность бы земъскую черезъ десеть [в оригинале: «деесеть»] летъ по томъ деле задержали, таковый дел предсе вечне держанъ будеть. Одно жъ где бы хто такий на вряде несознаный делъ, давности тое не промолчавшы, хотелъ знову рушыти и о то бы братью свою або близскихъ до права позвалъ, тогды такому предъсе делъ знову маеть быти сказанъ.

Вед же будут ли на листехъ делчыхъ положоны якие обовязки, заруки о невзрушанью того делу, тогды такие заруки кождый водлугъ своего обовязку з розсудку правного заплатити винен будеть, тежъ до делу приступити. А при кождомъ розделе вечыстом листы, привилья при томъ зоставати мають, при комъ и именье тое зостанеть, на которое привил[ь]я служать. А если бы было одно именье на ровные части поделено або бы одны привилья на колко именъ, розно поделеныхъ, служыли, тогды такие листы, привилья, для ведомости списавъшы на рейстра, тые рейстра промежку себе подъ печатми своими и подъ печатми людей добрыхъ подавати, а самые листы до одного брата, до которого ся сполне згодять, ку захованью дати мають. А тотъ, часу потребы ку праву братьи своей, такихъ листовъ узычати маеть, але одинъ самъ без другое брат[ь]и такихъ листов рушати не маеть. А всхочут ли такие листы, сполне належачые, до книгъ врядовыхъ земъскихъ увести и с книгъ видимусы собе брати, то имъ волно будеть. Пакли жъ бы братья близские, поделившысе, листы, рейстра делчые подававшы, а одинъ который або колко ихъ не хотели того делу на вряде сознати, тогъды иншымъ о тое сознанье волно будеть до вряду на рокъ завитый позвати. А где бы братья або близские ани листовъ делчых межы себе не давшы, ани на вряде делу не сознавшы, толко промежку себе которое именье, люди або земли ку ужыванью до часу розобрали, таковый делъ за вечный держанъ быти не маеть и никоторая давность тому шкодити не можеть, а то для того, ижъбы одинъ над другого болшое части собе не привлащал.

Артыкулъ 27

В чужого чоловека не маеть нихто земъли закуповати безъ воли пана его.

Уставуемъ, ижъ в бояръ и в людей простыхъ князскихъ, паньскихъ и земяньскихъ нихто земли закуповати, ани на лето ку паханью наймовати не маеть без воли пана его. А если ж бы хто в чужого чоловека землю без воли пана его закупилъ або нанялъ и што на ней посеялъ, тогды тое сеянье и пенези тратитъ. А тотъ ч[о]л[о]в[е]къ, чыя земля, маеть без откладанья пенезей свою землю ку своимъ рукамъ взяти, а онъ на томъ ч[о]л[о]в[е]це его, в которого будетъ землю закупилъ або нанялъ, и на паручнику, черезъ чые руки будеть пенези давалъ, искати не маеть для того, ижъ онъ то учынил надъ тую уставу нашу. Также и самого чужого чоловека, жоны и детей его не маеть нихто закуповати и наймовати без воли пана его або врядника подъ утраченьемъ найму.

Артыкулъ 28

О парукахъ людей простыхъ.

Уставуемъ, ижъ бояре панъцерные, путные и люди простого стану не мають без ведомости и дозволенъя листовного пановъ своих никому по речахъ великихъ ручити, одно жъ волно имъ будеть, хотя жъ безъ ведомости пановъ своихъ, ручити в речахъ ровныхъ, то естъ надалей до чотырохъ копъ грошей. И хотя бы одинъ чоловекъ и по розныхъ людех ручити хотелъ, предъсе такъ маеть ручити, яко бы чотырохъ копъ грошей не перевышало.

Артыкулъ 29

Которые люди прыходять на волю и, заседевшы волю, втечеть прочъ.

Уставуемъ: коли бы чоловекъ волный пришолъ за которого князя або пана и за земенина и селъ на воли, а выседевшы волю або и не выседевшы до конца, хотелъ засе прочъ пойти, тогды первей маеть заслужыти тому пану своему толко, колко на воли седелъ, тожъ пойти прочъ. А если бы не хотелъ заслужыти, толко ж тогды маеть п[е]н[е]зми заплатити за кождую неделю по шести грошей. А если бы онъ, заседевшы волю, утекъ за кого колвекъ, ино тотъ, за кого втечеть, маеть ему выдати не мней яко отчыча. А если бы еще такий чоловекъ, отходечы прочъ, и шкоду якую кому учинилъ, тогды и то на немъ за доводомъ сказати маеть. Пакли ж бы на объсыланъе того ч[о]л[о]в[е]ка выдати не хотелъ, а тот ч[о]л[о]в[е]къ потомъ от него втекъ прочъ, а то бы на него позвавшы о то до суду належного на рокъ завитый правомъ переведено, тогды сам за него маеть платити за кождую неделю колко на воли седелъ, а не робилъ, по шести грошей, также и шкоду, черезъ оного ч[о]л[о]в[е]ка вчыненую, за доводомъ оправити.

Артыкулъ 30

О найденью скарбу, захованого в земли або въ якомъ поклажею [так!].

Уставуем: коли бы се трафило кому знайти в земли який скарбъ: гроши, серебро, золото або што иншое, яко се притрафляет находити, тогды если на своем кгрунте найдет, мает скарбъ быти, чий кгрунт, а если бы на чыем иншом знашол, тогды половицу мает тому дати, на чией земли знашол, а половицу собе взяти. Такъ теж и на заставной земли наполы розделити мають. Вед же хто бы ся ку такому найденью кладу знати не хотел, а тот, хто бы того искал, бралъсе до присеги, тогды тая противная сторона, на ком ищуть, ближшая будет от того отприсягнутися, же не нашол.

Артыкулъ 31

О портех водных и о товарохъ, стонулыхъ на водахъ.

Кгды бы ся трафило, воденым путем везучи якие товары и иные речи, с пригоды судно ся розбило або стонуло при чыем колвекъ берегу, тогды оный товар стонулый купец або хто ж колвекъ мает доброволне з воды выбирати и на берегъ вынести, а врядники наши, кн[я]зи, панове и их врадники, земяне и люди простые, чий колвекъ берегъ естъ, не мають от того ничого брати. А хто бы хотел в том оному стонулому трудность задавати, тогды будет повинен всю шкоду, што будеть на том шкодовати, совито оправити.

Артыкулъ 32

О дорогахъ старовечныхъ.

Уставуем, иж дороги, великие гостинцы мають быти водле стародавного обычаю такъ широкие, абы на полтора прута быти могли. А воз порожний мает уступовати возу наложоному, пеший — езному, езный — возу. А то если бы тесная дорога была, яко на мостех и в ынших злых разех, а часу зимнего, кгды снегъ бывает великий, мають, поткавшися, дорогу по половицы делити, а одинъ другого спихати не маеть.