Сузор’і (1926)/Сугуччы ўласных струн/Пачуўшы шэпты

← Ну, чаго-ж хавацца

⁂ (Пачуўшы шэпты) Верш Аўтар: Алесь Гурло 1926 год

То ня вецер шугае →

Прапануем да спампаваньня!

∗
∗     ∗

Пачуўшы шэпты маёй душы ты,
Пачуўшы шчырасьць шматзвонных струн,
Ня станеш — кінеш кахаць цішу ты:
Яе ўскалыша яшчэ пярун.

А посьле сьцешыць, расшые шаты,
Аздобіць шчасьцем і шоўкам шыр.
Цябе ня знаўшы, я — твой глашатай:
Шануй ты шэпты маёй душы.

1925 г.