Творы М. Багдановіча (1927—1928)/I/I/82

← 81. ⁂ Мы гаворым удвох пры агні ў цышіне

82. ⁂ Ўжо пара мне да дому зьбірацца Верш Аўтар: Максім Багдановіч 1927 год

83. ⁂ Ўсё праходзе — і радасьць, і мукі →

Прапануем да спампаваньня!

82.

∗     ∗
∗

Ўжо пара мне да дому зьбірацца, —
Вечар позны, а час не стаіць.
Ах, калі-б ты магла здагадацца,
Як ня хочацца мне ухадзіць.

Там, на вулцы, ні сівер, ні бура,
Там адно толькі — мрок, самата.
Але як я маркотна, панура
Да свайго пацягнуся кута.

Думкі нудныя зноў закружацца,
Сэрца чулае зноў забаліць…
Ах, калі-б ты магла здагадацца,
Як ня хочацца мне ухадзіць.

1915-16.

Увагі

82. Ужо пара мне да дому… Верш выдаецца з аўтографу (п. XI, № 10, ст. 1). У пачатковай рэдакцыі ён мог быць напісаны значна раней, але Камісія карысталася аўтографам апошняй рэдакцыі, які напісаны быў не раней 1915 году.