Трынаццаць мне тады мінала (Шаўчэнка/Клімковіч)
| Трынаццаць мне тады мінала Верш Аўтар: Тарас Шаўчэнка Пераклад: Міхась Клімковіч Крыніца: Іскры Ільіча, 1939, - №2 - с. 11 |
Прапануем да спампаваньня!
Трынаццаць мне тады мінала.
Я пас ягняты за сялом.
Ці гэта сонейка так ззяла,
Ці так мне весела было?
Што раптам добра, добра стала,
Ды не доўга сонца грэла,
Мяне весяліла...
Запякло, зачырванела
I рай запаліла.
Я ачнуўся - дзіву даўся:
Сяло пачарнела,
Неба сіняе і тое
Раптам памарнела.
Паглядзеў я на ягняты —
Не мае ягняты!
Азірнуўся я на хаты —
Няма ў мяне хаты!
Не дае мне бог нічога...