Суседзі (1932)/Усё гэта праўда

← „Рэформы“ пана міністра

Усё гэта праўда Фэльетон Аўтар: Анатоль Вольны 1932 год

Міністэрскае паляваньне →

Прапануем да спампаваньня!

УСЁ ГЭТА ПРАЎДА…

„Лепш разумным нагам пакланіцца, чым дурной галаве“.Народная прыказка.

Урачыстае пахаваньне.

Пяшчотныя нэкролёгі.

Артыкулы ў чорных рамках.

„Надгробные ридания“…

… Як вы думаеце, трэба каню гэта?

— Не!

— Дык вось усё гэта было і ў выстарчаючай меры.

Гісторыйка… Як па вашаму?!

Здавалася, — памёр конь, ну і памёр…

Ды, каб гэта-ж быў просты конь, а то памёр Гнедко.

Ня чулі? Ах, якія вы някультурныя!

Гэта-ж той самы Гнедко, на якім маршалак Пілсудзкі „наступаў“ з-пад Бярэзіны на Варшаву непасрэдна ў першых шэрагах арміі „оглашаючи поле брани веселыми криками“.

Памёр Гнедко… Якая дачасная страта… Рэчы паспалітай.

Нэрвы ня вытрымліваюць…

Міністры пана Пілсудзкага і прэса маршалка зараз у адзін голас плача:

— Гнедко, а, Гнедко… І на каго ты нас пакідаеш?

— Ня чуе? Маўчыць… Асірацелі… Асірацела дзяржава… Жалобна…

.   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .

Я, таварышы, сам чытаў усе гэтыя гімны каню маршалка. Я ведаю, вы мне не паверыце, бо гэта-ж трэба бачыць, каб паверыць.

■