Хадзіў каток па латку…

Хадзіў каток па латку… Калыханка Аўтар: народ Крыніца: http://knihi.com/Roznaje/Chadziu_katok_pa_latku.html

Прапануем да спампаваньня!

Хадзіў каток па латку,

Уваліўся ў крапіўку.

Папёк коцік лапкі,

Палез на палаткі.

Палез бы вышэй,

Ды баюся мышэй.

Палез бы далоў,

Ды баюся валоў.

Люлі, люлі, люлі,

Ды пайшоў кот па дулі.

Памарозіў лапкі,

Палез на палаткі.

Сталі лапкі грэцца,

Недзе коціку дзецца.

Люлі, люлі, люлі, спаць!