Хачу мець зямельку і мру без работы…

Хачу мець зямельку і мру без работы…
Верш
Аўтар: Уладзіслаў Галубок
1913
Крыніца: http://knihi.com/Uladzislau_Halubok/Chacu_miec_ziamielku_i_mru_biez_raboty.html

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!





Хачу мець зямельку і мру без работы,
А чую, што сілы трываюць пакуль,
Я рад працаваць да крывавага поту
І жду ўсё — падмогі няма ніадкуль.

А людзі ў дастатках, дзе скарбаў ёсць многа,
Не дбаюць аб горы — ім бедны нішто…
І дзе галадоўля, дзе смутак, трывога,
Туды і скарынкі не кіне ніхто.

Глядзіце, зямелькі вось колькі пустуе!
Аблогам марнуецца колькі пасек!
А я даў бы рады, мне ж сіл не бракуе.
Без працы чы ж можа пражыць чалавек?

(1913 г.)