Хрыстаматыя беларускае літэратуры. ХІ век—1905 год/А. Гурыновіч

← Я. Няслухоўскі

А. Гурыновіч Верш Аўтар: Адам Гурыновіч 1922 год

А. Абуховіч →

Іншыя публікацыі гэтага твора: Дзякуй табе, браце, Бурачок Мацею.

Прапануем да спампаваньня!

Адам Гурыновіч.

(1869 — 1894).

ДА МАЦЕЯ БУРАЧКА (Ф. Багушэвіча).

Дзякуй табе, браце. Бурачок Мацею,
За тое, што ў сэрцы збудзіў ты надзею,
Што між братоў нашых знаходзяцца людзі
З кахаючым сэрцам і баляшчай грудзяй.
Дзякуй табе, браце, і за тыя словы,
Што ўспомнілі звукі нашай роднай мовы.
Бяры, браце, дудку, наладзь і жалейку,
Няхай песьнь смутная ідзець у калейку
І будзіць у сэрцах мысьль аб лепшай долі,
Якой мы ня зналі дагэтуль ніколі.