Шляхам жыцьця (1913)/IV/Аб мужыцкай долі/Сагнуўшы плечы ў крук…

Аб мужыцкай долі 3.
Верш
Аўтар: Янка Купала
1913 год

Іншыя публікацыі гэтага твора: Аб мужыцкай долі (Дайце скрыпку мне маю…)

Прапануем да спампаваньня!

3.

Сагнуўшы плечы ў крук,
Араў зямлю Паўлюк,
Як чорны вол варочаў,
А з дня ў дзень, з году ў год
За плот шоў ўвесь прыплод,
Сам днём блудзіў, як ночай.
Так вышла ўся моц з жыл,—
Араць не стала сіл,
Настаў канец дакукі…
С касою сьмерць прышла,
С сабой весьць прынесла:
Пара складаці рукі!
Ўзяў шлюб з зямлёй Паўлюк,
Ня гне ўжо плечы ў крук,
Быдлём ня чэзьне болей.
Памёр, і не спазнаў,
Што на чужых араў
Ўвесь век чужое поле.