Abrazki (1913)/Śniłasia mnie kazka…

← Niby rupny araty…

Śniłasia mnie kazka… Абразок Аўтар: Змітрок Бядуля 1913 год

Araty →

Іншыя публікацыі гэтага твора: Сьнілася мне казка…

Прапануем да спампаваньня!

Śniłasia mnie kazka…

Śniłasia mnie kazka imšary kudrawaj…

Bieły tuman apchapiŭ rečku, a cieni pałamanaho płota matalisia pa rasistaj miaży…

Na biełym kamieniu, pad dubam dupławatym, siadzieła dziaŭčynka. Piejać jej chaciełasia, ale zapłakała…

— Nie chadziła-b na wiečarnicy, nie ubačyła-b taho dziaciuka z šaŭkowymi wałasami, i bolu nia wiedała-b, i markotnaści nie znała-b…

A ciapieraka świet jej niamiły, soniejka nia hreić.

Chadziła pa znacharach — nie pamahło. Ziellam paiła — nie pamahło.

Siadzie za praśnicaj — nitki rwucca. Pačnie aładki piačy — smalucca. Pojdzie karoŭku daić — dajnicu pierawiernie.

Na biełym kamieni pad dubam dupławatym siadzieła jana i sama sabie hawaryła:

— Kuplu sabie kaptur bieły, śmiartelny, złażu nakryż ruki i na mohiłki pajdu… lahu na żoŭty piasok dy bolej nie ŭstanu, bo świet Boży nia miły mnie, bo żyć bolej nia chočecca…

.   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .

Ciamniej zrabiłasia poŭnač, bialej zrabiŭsia tuman…

Śniłasia mnie kazka imšary kudrawaj…

---