Abrazki (1913)/Płač praleskaŭ

Płač praleskaŭ Абразок Аўтар: Змітрок Бядуля 1913 год

Prytulisia ka mnie →

Іншыя публікацыі гэтага твора: Плач пралескаў.

Прапануем да спампаваньня!

Zmitrok Biadula.

Płač praleskau.

Płakali praleski, dzieci wiasny…

— Heta rasa na kwołych lapiastkoch! — piejaŭ żaŭranak i krużyŭsia nad imi…

Farbawanyje niebam, uzhadawanyje soniejkam, jany na čornaj ziamli nie chacieli pierażyć nawat ad maładzika da wietocha wiasieńniaho miesiaca… płakali dy płakali… Miejscami na łahčynkach ladok stajaŭ, miejscami traŭki zazielanielisia.

.   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .   .

Nowyje narohi panios na plečach araty at kawala; dzaiciuk achwotna bykoŭ nakarmiŭ. Pałała zarnica nad biareznikam. U wioscy iz zakurenych kominaŭ kruciŭsia ŭ wierch, byccam kudziela, bieły dym — haspadyni śniedańnie hatawali. Wyjšła dziaŭčyna pieršy raz bosaja u čystaje pole; ubačyła, jak praleski ślozy ljuć, dy sama zapłakała.

Oj mianie za niamiłaho zamuż wydajuć!

Oj pahubiła ja lety maładyje swaje!.. Apchapiła rukami biarozku maładuju dy abamleła razam z joj, a wakruh płakali praleski, dzieci wiasny…

---