Abrazki (1913)/Pastuška
| ← Jak pamru… | Pastuška Абразок Аўтар: Змітрок Бядуля 1913 год |
Nie biaży za kwietkaj… → |
| Іншыя публікацыі гэтага твора: Пастушка (Бядуля, абразок) |
Прапануем да спампаваньня!
Pastuška.
Niby cichije staraświeckije psalmy, imšara niešta haworyć.
Pa sičcu za panskim harocham pasucca husi. Čuć widać z daloku chata palasoŭščyka.
— Ech! — dumajeć maleniečkaja pastuška, trymajučy łazowy dubiec ŭ rukach: Kinu husiej, chwaroba ich nie woźmieć! Pabiahu da chaty zacirki sierbanuć: nadta jeści chočecca…
Ale pabajałasia.
Sonce piakło jaje, hałodnuju, smahłuju. Abapiorłasia jana ab sukawaty płot, i byccam samleła… Tym časam husi ubralisia ŭ haroh. Nakruciŭsia na toje licha palasoŭščyk, baćka jaje, i, ŭbačyŭšy hetuju štuku, scybanuŭ małuju dačku raz, druhi dziahaj swajej syrmiatowaj. Dziaŭčynka nawat nie zapłakała, tolki zazuchawałasia i wyhnała husiej z harochu, i ŭżo bolej ab jadzie nia dumała…
— Najlepšaje lekarstwa hetym darmajedam! — kryknuŭ palesoŭščyk, adyšoŭšysia.
Pryšłosia maleńkaj pastušce čekać użo poznaho wiečera… Chaj raniej panskije husi padjaduć! jeje zacirka i wiečeram nie ŭciače… na kirmaš nie paniasuć pradawać…