Biełarus (1913)/1913/1/Z Nowym Hodam!

← Kalendar kaścielny. Studzień

Z Nowym Hodam! Публіцыстыка 13 студзеня 1913 году

Z Biełaruskich Kazak →

Прапануем да спампаваньня!

Z Nowym Hodam!

Baćkom naszym, siostram, bratom, rodnym, dy prosta znajomym prywykli my, kali nastupaje Nowy Hod, -życzyć usielakaho dabra. Rodnyje wy naszy, Braty wiaskowyje! czaho-ż majem zadać dla was my, syny wioski, dzieci biełaruskaho narodu? I nia dziela zwyczaju tolki, a z patreby serdecznaj, bo ni zadać dla was usiaho najlepszaho — nia możem…

Dziela taho życzym wam i sabie kab, pomniaczy a Bohu, dy pastupajuczy, jak nawuczaje Kaścioł Katalicki, byli zausiody dobrymi ludźmi, kab nikomu niczoha błahoha ni zra- bili, dy lubiaczy usich, kab pakachali szczyra i mocna i swaich bratou biełarusou, i swaju ziamielku, i swaju mowu.

Dalej, wiedajuczy a sabie, kab paczali my, daj Boże jak najchutczej, życi usie żyćciom hramadzianskim-ahulnym, kab razam usim radzić i rupicca, jak szyryć pamiż saboju dobryje, dy karysnyje dumki, hazety, kniżki — kab palepszyć dolu nia tolki swaju, swajej adnej wioski, ale usiaho narodu, cełaho kraju — kab usim było lepiej…

Woś, braty, i usio nasze dla was i dla siabie na hety Nowy Hod i na usiu naszu buduczynu — żadańnie. Być dobrymi katalikami — dziela zbauleńnia duszy, dy być dobrymi, szczyrymi, praudziwymi synami rodnaj staronki — dziela palepszeńnia żyćcia!