Biełarus (1913)/1913/6/Klikaŭ mianie brat moj…

Klikaŭ mianie brat moj…
Абразок

14 лютага 1913 году

Прапануем да спампаваньня!

Klikau mianie brat moj…

Klikaŭ mianie brat moj… siadzieŭ jon u hłybokaj jaminie ciemry, biedny, abiazdoleny. Nia słowy czuŭ ja ŭ kliku hetym, a baluczy stohn pakaleczenaha, hałodnaha…

— Za szto, za szto zabyŭsia ty na mianie? Za szto pakinuŭ ty mianie hetkaho biazdolnaho??..

Czamu paszoŭ ty, bracie, czużoje pole harać, czużym ludziom służyć? Ci-ż my nie razam ŭzhadawalisia, nie razam wyrasli ŭ adnej i tej samaj wioscy ŭbohaj? Ci-ż nie razam s taboj słuchali my sumnych kazak hustaj imiszary i żudasnaho szeptu adwiecznaho boru? Czamu-ż uciekajesz ty ad mianie, a nie wyciahiwajesz z hamy hłybokaj, kab i ja uhledziŭ światło i sonce, kab i ja staŭsia roŭnym tabie czaławiekam?.. Czamu śmiajeszsia z mianie? Czamu kpinami zbywajesz? Czamu mianie — brata swajho skacinaj abzywajesz? Hlań i uspomni: ci-ż my nie razam wykarmilisia — praŭda — czornym z miakinaj chlebam, ale… ŭ swajej chacie! Ci-ż nie adna i taja samaja mowa nas ŭskalychała — prostaja jana — ale zrazumiełaja — bo rodnaja!..

Dyk, bracie moj, prychodź, śpiaszysia, ratuj mianie bo nia czuży ciabie klicze, a klicze ciabie twoj rodny brat!…

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Hetak klikaŭ mianie brat moj z hłybokaj jaminy ciemry…

Z.