Biełaruski Kalendar Swajak na 1919 hod/Ustaŭnaja hramata da narodaŭ Biełarusi
| ← Razwićcie dzieržaŭnaj biełaruskaj myśli u Uschodnaj čaści Biełarusi | Ustaŭnaja hramata da narodaŭ Biełarusi Дакумант Аўтар: Рада БНР 1918 год |
Ustaŭnaja hramata Rady Biełaruskaj Narodnaj Respubliki → |
| Іншыя публікацыі гэтага твора: Другая Ўстаўная грамата. |
Прапануем да спампаваньня!
Ustaŭnaja hramata da narodaŭ Bielarusi.
U časie usieświetnaj wajny, što buryć adny mocnyje dzieržawy i asłabaniaje druhije, adbudziłasia Biełaruś da dzieržaŭnaho žyćcia. Paśla troch s pałowaju wiakoů niawoli iznoŭ na ŭwieś świet kaže biełaruski narod ab tym, što jon žywie i budzie žyć. Wialiki Narodny Zbor — Usiebiełaruski Zjezd 5—17 (st. st. śniežnia 1917 hodu, dbajučy ab doli Biełarusi zaćwierdziŭ na jaje ziemlach respublikanski ład. Wypaůniajučy wolu Zjezdu i baroniučy dzieržaŭnyje prawy narodu, Spaůniajučy Kamitet Rady Zjezdu hetak pastanaůlaje ab dzeržaŭnym ustroju Biełarusi i ab prawoch i wolnaściach jaje hramadzian i narodaŭ:
1. Biełaruś u rubiažoch razsialeńnia i ličebnaj pierewahi biełaruskaho narodu abwieščajecca Narodnaju Respublikaj.
2. Asnoůnyje zakony Biełaruskaj Narodnaj Respubliki zaćwierdzić Ustanoůčy Sejm Biełarusi, sklikany na asnowach ahulnaho, roůnaho, patajemnaho i praporcionalnaho wyborčaho prawa, nie žwažajučy na poł, narodnaść i relihiju.
3. Da času, pakul źbiarecca Ustanoůčy sejm Biełarusi, zakonadaůčaja ůłada ŭ Biełaruskaj narodnaj Respublicy naležyć, Radzie Usiebiełaruskaho Zjezdu, dapoŭnienaj predstaŭnikami nacionalnych mienšaściej Biełarusi.
4. Spaŭniajučaja i administratyŭnaja ŭłada ŭ Biełaruskaj Narodnaj Respublicy naležyć Narodnamu Sekretarjatu Biełarusi, jaki naznačajecca Radaju Zjezdu i pierad jeju trymaje atwiet.
5. U rubiažoch Biełaruskaj Narodnaj Respubliki abwieščajecca wolnaść słowa, druku, schodaŭ, zabastowak, chaŭrusaŭ; biezumoŭnaja wolnaść sumleńnia, niezačepnaść asoby i pamieškańnia.
6. U rubiažoch Biełaruskaj Narodnaj Respubliki ŭsie narody majuć prawa na nacionalna-personalnuju aŭtanomiju; abwieščajecca roŭnaje prawo ŭsich mowaŭ narodaŭ Biełarusi.
7. U rubiažoch Biełaruskaj Narodnaj Respubliki.............................Lasy, woziery i nutro ziamli abwieščajucca ŭłasnaściu Biełaruskaj Narodnaj Respubliki.
8. U rubiažoch Biełaruskaj Narodnaj Respubliki ŭstanaŭlajecca najbolšy 8-mi hadzinny rabočy dzień.
Abwieščajučy ŭsie hetyje prawy i wolnaści hramadzian i narodaŭ Biełaruskaj Narodnaj Respubliki, my, Spaŭniajučy Kamitet Rady Zjezdu, abawiazujemsia pilnawać zakonnaho paradku žyćcia ŭ Respublicy, ścierahčy intaresaŭ usich hramadzian i narodaŭ Respubliki i zachawać prawy i wolnaści pracoŭnaho ludu. A tak sama dałožym ŭsich sił, kab sklikać u najbližejšym časie ŭstanoŭčy Sejm Biełarusi.
Usich wiernych synoŭ Biełaruskaj ziamli kličem pamahčy nam u ciažkoj i atwietnaj našaj pracy.
Rady 1-ho Usiebiełaruskaho Zjezdu.
Wydan u Minsku Biełaruskim 9 sakawika 1918 h.