Hołas dušy (1926)/II/Božaje Cieła

← Św. Trojca

Božaje Cieła, abo Świata Eŭcharystyi Казаньне Аўтар: Казімір Сваяк 1926 год

Najświaciejšaje Serca Jezusa →

Прапануем да спампаваньня!

Božaje Cieła, abo Świata Eŭcharystyi.

1. Chto ŭ Eucharystyi?.. Heta Cieła Majo, heta kroŭ Maja (Mat. 26). Toje samaje Cieła, što z Ducha światoha wydała na świet Pračystaja Dziewa Maryja. Taja samaja kroŭ, što była razlita na Kalwaryi ŭ afiary kryžowaj. Afiaraj miłaści Božaj była śmierć Syna Božaha; Eŭcharystyja — tej-samaj miłaści wypaŭnieńnie. Pry swaim Ucialeśnieńni ukryŭ Chrystus naturu Boskuju, a ŭ hetym Najśw. Sakramencie Eucharystyi ŭkrywaje tak-ža i ludzkuju pad widam chleba i wina. Takaja samaja padziačnaść naležycca ad nas Bohu za Eucharystyju, jak i za Adkupleńnie, bo tut i tam Miłaść Prawiečnaja.

2. Jak Syn Božy ŭ Eŭcharystyi prysutny? Cieła majo — praŭdziwym nakormam, a Kroŭ maja — praŭdziwym napojem (Joan. 6,56). Pad dwuma widami — chleba i wina — ukryŭsia Chrystus, kab mahli my z Im łučycca tak istotna, jak strawa łučycca z ciełam, adnaŭlajučy jaho. Bač-ža, da čaho prywiała miłaść Jezusa dla nas! Jak-ža pawinna serca twajo być čystym, kab kružyła ŭ im Kroŭ Chrystusa. Jak čystaj pawinna być duša twaja, kab być światlicaj Boha samoha!

3. Čamu Chrystus prabywaje ŭ Eŭcharystyi? Chto spažywaje Cieła i pje maju Kroŭ, u mnie trywaje, a Ja ŭ im. (Joan. 6,57). Chacieŭ Chrystus być dla nas nierazlučnym tawaryšam našaje padarožy na ziamielcy; chacieŭ być afiaraj biazwinnaj, chacieŭ być našym pasiłkam, ad katoraha ŭzrastali-b my na žyćcio wiečnaje. Tamu astaŭsia z nami ŭ Eŭrharystyi. „A ja z Wami na ŭsie dni, až da skančeńnia wiekaŭ“. Ci z heta nia dokaz Božaje dabraty? I ci światy Dar hety nia moža zaspakoić usie maje pažadańni! O, hora mnie, kali ja „Chleb dużych“ spažywąjučy, ŭzdychaju jšče da hrešnaha nasytu zmysłaŭ, jak tyja žydy na pustyni da ehipskaha ziella.