Hołas dušy (1934)/II/Malitwy światočnyja

← Subota

Malitwy światočnyja Публіцыстыка Аўтар: Казімір Сваяк 1934 год

Malitwy padčas Imšy św. →

Прапануем да спампаваньня!

MALITWY ŚWIATOČNYJA.

Świata słužyć adpačynkam dušy i cieła. U adpačynku nabirajem świežych sił. Siłaj ducha — malitwa. Siłaj cieła — dobraja strawa, pawietra, sonca. Świata starajsia tak prawiaści, kab duch twoj nabraŭ świežaj achwoty da słužby Božaj, a cieła da pracy budniaj. Treba światam malicisia lepiej i bolš, kab uprasić łaski ŭ Boha na tydzień cely. Treba i zabawicca razumna, kab raźwiesialicisia i zabyc štodzienny trud. Kali ty zdaroŭ — pomni, što maješ abawiazak słuchać Imšy św., a kali nia možaš pajści da kaścioła, pamalisia ŭ chacie padčas nabaženstwa. Možaš naprykład admowić ražaniec, abo litaniju jakuju, abo razmyšleńnie adprawić, abo pabožna i razwažna adčytać malitwy imšalnyja, jakija tut padajom i daŭžejšyja, abapiortyja na Liturhii (h. zn. na tych-samych malitwach, jakija adhawarwaje ksiondz wa Imsy św.) i karaciejšyja, abapiortyja na razmyšleńni tajnicaŭ Imsy św.

Budučy ŭ kaściele na Imšy św., uwažaj, što dziejecca pry aŭtary, jakaja častka Imsy św. adpraŭlajecca. Imša św. dzielicca na 3 čaści: 1) pryhatawańnie da Imšy, 2) samaja Imša i 3) zakančeńnie. Pryhatawańnie da Imšy (daŭniej Imša katechumenaŭ) składajecca z čytańnia psalmaŭ, św. Pisańnia i malitwaŭ i trywaje ad pačatku Imšy až da achwiarawańnia; samaja Imša heta jość užo achwiara Syna Božaha i maje try haloŭnyja častki: achwiarawańnie, kansekracyju (padniasieńnie) i kamuniju. Paśla kamunii da kanca heta jość zakančeńnie Imšy. Paśla Imšy adbywajucca časam tak zw. dadatkowyja nabaženstwy, jak „światy Boža“, bahasławienstwa Najświaciejšym Sakramentam i inšyja.

Padčaś Imšy św. uwažaj na znaki, jakija dajucca ad aŭtara zwanočkam, kab moh spaścierahčy haloŭnyja častki samaj Imšy św.: achwiarawańnie, konsekracyju i kamuniju.