Hołas dušy (1934)/II/Razmyšleńni/Čaćwier
| ← Sierada | Čaćwier Казаньне Аўтар: Казімір Сваяк 1934 год |
Piatnica → |
Прапануем да спампаваньня!
Čaćwier.
AB APOŠNIAJ WIAČERY.
(Pawodle Ewanelii).
1. Pierad dniom światoj Paschi, wiedajučy Jezus, što nadyjšła hadzina Jaho, kab pierajści z hetaha świetu da Ajca: umiławaŭšy swaich, što byli na świecie, da kančatku ich umiławaŭ. Kali-ž pryjšła hadzina, zaniaŭ miesca za stałom i dwanaccać apostałaŭ z im. I skazaŭ im: „Pažadańniem wialikim žadaŭ Ja hetu Paschu spažywać z wami, pierš čym ciarpieć budu“. Paśla naliwaje wady ŭ načyńnie i začynaje myć nohi wučniam. Zasieŭšy iznoŭ za stałom, pramowiŭ da ich: „Wiedjecie, što ŭčyniŭ Ja wam? Wy mianie nazywajecie Wučycielem i Panam, i dobra kažacie, bo tak jość. Kali woś Ja, Pan i Wučyciel, abmyŭ nohi wašy, to i wy pawinny adzin druhomu nohi abmywaci. Prykładam pasłužyŭ wam, kab padobna, jak Ja učyniŭ wam, tak i wy čynili“.
2. Pad kaniec wiačery ŭziaŭ Jezus chleb, dziakawaŭ, bahasławiŭ, łamaŭ i dawaŭ wučniam swaim, kažučy: „Biarecie i ježcie, bo hetaje jość cieła majo“. Potym uziaŭ kielich z winom, učyniŭ padziaku, bahasławiŭ jaho i daŭ im, kažučy: „Biarecie i piecie z hetaha ŭsie, bo hetaja jość kroŭ maja Nowaha Zakonu, jakaja budzie pralita za was i za mnohich na adpuščeńnie hrachoŭ. Heta čyniecie na maju pamiatku“.
3. Jezus na wiačery ŭzrušany ducham, zajawiŭ apostałam: „Sapraŭdy kažu wam: adzin z was mianie wydaść“. Hlanuli ŭsie adzin na druhoha ŭ sumniwie, ab kim haworyć! I strywožanyja wielmi pačali pytacca: „Niaŭžo ja, Panie?“ A Jon adkazaŭ św. Janu: „Toj, kamu ja pamaknuŭšy dam chleb. Syn čaławiečy jdzie, praŭda, pawodle taho, što ab Im napisana; ale hora tamu čaławieku, praz katoraha Syn čaławiečy budzie wydany, lepiej było-b jamu, kab jon na świet nie radziŭsia!“…