II. Anieł skazaŭ pastuškam…
Aniel skazaŭ pastuškam:
„Naradziŭsia Chrystus wam“.
„A dzie, dzie“? „Betlejem Dawidowym
Ŭ pakaleńni Judowym
Z Panienki Maryi“.
Heta chočučy spaznać,
Wiestku ščasnu ahladać,
Pabiehli da Betlejem z achwotaj,
Najšli ŭ jaślach Dziciatka,
Maryju z Jazepam.
Naradziny — dziŭ z dziwoŭ!
Wysłaŭlaci mała słoŭ:
Dziewa Božaha Syna nasiła,
Zradziła, nie čapiła
Swajaho Dziawoctwa.
Chwały wiečnaj Pan sstupiŭ,
Jak prosty siabie źnižyŭ,
Pałacaŭ bahatych, murawanych
Nia mieŭ pabudawanych
Pan ŭsiaho stwarennia.
Ŭžo zbyłosia toje ŭsio,
Što pad fihuraj było:
Arona laska pučok puściła,
Prad Arkaj raśćwicieła
I płady pryniesła.
Słuchajcie-ž Boha Ajca,
Jak ab im Jon nam skazaŭ:
Heta Syn moj Adziny, kachany,
Ŭ rai wam abiacany,
Słuchajcie Jaho wy!
Bohu čeść i chwała budź,
Što nikoli nie zamruć,
Jak Ajcu, tak Jahonamu Synu,
Razam światomu Duchu, —
Adzinamu ŭ Trojcy!
|
Прапануем да спампаваньня!