Karotki Katachizm (1907)/III

← II. Ab Bohu i stwareńniu

III. Ab Božych prykazańniach Катэхізм Аўтар: Рох Філяхоўскі 1907 год Пераклад: Францішак Будзька

IV. Ab prykazańniach kaścielnych →

Прапануем да спампаваньня!

III. Ab Božych prykazańniach.

P. Što heta jość Božaje prykazańnie?

A. Božaje prykazańnie heta jość abjaŭlenaja wola Boha, jak ludzi pawinny žyć.

P. Kolki jość Božych prykazańniou?

A. Dziesiać.

P. Čamu jany zawucca Božymi?

A. Bo jich sam Boh daŭ Majžešu, napisanyja na dwuch kamiennych plitach.

P. Jakoje jość pieršaje Božaje prykazańnie?

A. Nia budzieš mieć Baho=г čužych pieredamnoju.

P. Čaho zabaraniajeć pieršaje prykazańnie?

A. Jano zabaraniajeć: niedawiarstwa, bałwachwalstwa, waražby, znachorstwa i ŭsielakich zababonoŭ.

P. A što jano prykazywajeć?

A. Addawać čeść praŭdziwamu Bohu, lubić Jaho i ŭ Jim mieć nadzieju.

P. A ci jość jakije inšyje bahi?

A. Niema i być nia možeć, bo Boh jość tolki adzin.

P. A kolki jość praŭdziwych wier?

A. Jak Boh jość adzin, tak i adna tolki jość praŭdziwaja wiera, katoraja wučyć nas, jak treba słužyć Bohu.

P. Chto nas wučyć praŭdziwaj wiery?

A. Praŭdziwaj wiery wučyć nas adzin tolki Katalicki Kaścioł.

P. Jakoje jość druhoje Božaje prykazańnie?

A. Nia budzieš užywać Imieńnia Pana Boha naprasna.

P. Čaho zabaraniajeć druhoje prykazańnie?

A. Jano zabaraniajeć zniewažać Božaje Imia, wyhawarywajučy Jaho biez patreby i šacunku i nie spoŭniajučy taho, što Bohu pryrok.

P. Ci možna prysiahać?

A. Možna, ale tolki ŭ patrebie i za praŭdu.

P. Jak hrešyć toj, chto za niepraŭdu prysiahajeć?

A. Hrešyć ciažka.

P. A što heta prykazańnie prykazywajeć?

A. Šacawać Božaje Imia, zaŭsiady i ŭsiudy wyhawarywać Jaho pabožna.

P. Jakoje jość trećciaje Božaje prykazańnie?

A. Pomni światkawać dzień światočny.

P. Čaho nia možna rabić u niadzielu i świata?

A. Nia možna ciažka pracawać i iści ŭ zarobki.

P. Jak treba prawadžać čas u świata?

A. Treba być na Mšy, a chto nia možeć być u kaściele, pawinien doma pamalicca.

P. Jakoje jość čaćwiortaje Božaje prykazańnie?

A. Šanuj baćku twajho i matku twaju.

P. Što heta značyć šanawać baćku i matku?

A. Heta značyć lubić i słuchacca jich.

P. Ci zaŭsiady treba słuchacca backoŭ?

A. Zaŭsiady, ale tolki ŭ dobraj rečy.

P. Ci praz usio žyćcio treba šanawać baćkoŭ?

A. Treba šanawać jich praz usio žyćcio i ŭ patrebie pamahać jim.

P. Kaho jašče treba šanawać, akrom baćkoŭ?

A. Treba šanawać usich staršych.

P. Jakoje jość piataje Božaje prykazańnie?

A. Nie zabiwaj.

P. Kaho nia možna zabiwać?

A. Nie možna zabiwać nijakaho čaławieka, a nawat našaho niepryjaciela.

P. A ci možna bicca, łajacca abo praklinacca?

A. Nia možna bicca, łajacca abo praklinacca, a treba ŭsich ludziej lubić.

P. Jakoje jość šostaje Božaje prykazańnie?

A. Nie čužołož.

P. Čaho zabaraniajeć šostaje prykazańnie?

A. Jano zabaraniajeć brydkich pastupkoŭ, hutarak, słoŭ, pieśnioŭ, dumkoŭ i ŭsielakaj raspusty.

P. Jakoje jość siomaje Božaje prykazańnie?

A. Nie kradzi.

P. Što heta značyć kraści?

A. Kraści heta značyć zabirać sabie čužuju reč biaz wiedama i zhody taho, čyja jana jość.

P. Ci treba addać najdzienuju čužuju reč?

A. Treba, bo kalib zatrymaŭ, byŭby złodziejam.

P. Ci heta jość hrech zrabić kamu škodu?

A. Zrabić sumyśle kamu škodu jość taki samy hrech, jak i ŭkraści.

P. Što pawinien zrabić toj, chto ŭkraŭ abo sumyśle zrabiŭ škodu?

A. Pawinian nahradzić za zroblenuju kryŭdu.

P. Jakoje jość wośmaje Božaje prykazańnie?

A. Nia świedčy chwałšywa prociŭ bliźniaho twajho.

P. Čaho zabaraniajeć wośmaje prykazańnie?

A. Jano zabaraniajeć chwałšywa świedčyć, łhać, abhawarywać i ŭščynać plotki.

P. Što pawinien zrabić toj, chto zrabiŭ kamu-nibudź kryŭdu, chwałšywa świedčučy abo abhawarywajučy?

A. Pawinien pryznacca, što chwałš hawaryŭ świedčučy abo abhawarywajučy i nahradzić za zroblenuju kryŭdu.

P. A što prykazywajeć wośmaje prykazańnie?

A. Jano prykazywajeć hawaryć zaŭsiady praŭdu, choćby była z hetaho nam strata, i baranić honar bliźniaho.

P. Jakija jość 9 i 10 Božyja prykazańnia?

A. Nie pažadaj žonki čužoj, ani domu, ani słuhi, ani słužanki, ani woła, ani asła, ani wodnaj rečy čužoj.

Čaho zabaraniajuć dwa apošnija prykazańnia?

A. Jany zabaraniajuć nawat pažadać čužoho.

P. Ci Boh tolki za ŭčynki i słowy karajeć ludziej?

A. Nia tolki za ŭčynki i słowy, ale nawat za brydkije myśli Boh karajeć ludziej.

P. Jakoje jość najwažniejšaje prykazańnie?

A. Miłuj Boha z usiaho serca twajho, z usiej dušy twajej, z usiej myśli twajej, bliźniaho twajho, jak siabie samaho.