O moj Bože! wieru Tabie,
I ŭsio wieru ja dla Ciabie,
Ŭsiu nadzieju ŭ Tabie maju,
Za ŭsio Ciabie wychwalaju.
Ty satwaryŭ, Ty adkupiŭ,
Ty mianie, Bože, aświaciŭ,
Za to Tabie, hdzie jość ludzie,
Čeść i chwała niechaj budzie.
Tabie, Bože! kłaniajusia,
Wa ŭsim na wolu zdajusia,
A być tolki chaču ŭ niebie,
Pa ŭsie wiaki lubić Ciabie.
Žal mnie, Bože! zhrašyŭ Tabie,
Praz hrech dastaŭ piekła sabie,
Da nie tak žal zhuby majej,
Jak žal, Bože, kryŭdy Twajej
Achža Bože! ŭsio kajusia,
Praściž mianie, papraŭlusia;
Da ŭžo sto raz umierć wolu,
Na hrech bolej nie zazwolu.
Dla Twajho ja ŭpadabańnia
Chaču chawać prykazańnia;
Žyć i ŭmirać wolu Tabie,
Što Ty jość dobry sam u Sabie.
O Jezusie, Ty naš Panie,
Jadyne serca kachanie!
Ručki, nožki Twe całujem,
Za hrachi našy žałujem.
Całujučy Twaje rany,
O Jezusie naš kachany,
Ruki i wočy k niebu ŭznosim,
Adpušćeńnia hrachoŭ prosim.
Ślozy našy wyliwajem,
Ščyrym sercam pryrakajem,
Pakul budziem z ludźmi žyci,
Nia budziem Bohu hrašyci.
O Maryja Matka Boska!
Praświataja kwietka rajska!
Malisia Bohu za nami,
Niahodnymi hrešnikami.
Usie Światyje izhlańcie z nieba!
Wašaj łaski nam patreba;
Malicieś Bohu za nami,
Niahodnymi hrešnikami.
Chwała Bohu Praŭdziwamu,
Chwała ŭ Trojcy Jadynamu,
Chwała Ajcu, razam Synu,
Chwała i Duchu Światomu.
|
Прапануем да спампаваньня!
