Lekcyi i Evanelii na niadzieli i śviaty (1938)/I/10
| ← 9. Na IV niadzielu pa Troch Karalach | 10. Na V niadzielu pa Troch Karalach Урыўкі зь Бібліі 1938 год Пераклад: Адам Станкевіч |
11. Na VI niadzielu pa Troch Karalach → |
Прапануем да спампаваньня!
NA V NIADZIELU PA TROCH KARALOCH.
I.
Braty, jak vybrancy božyja, śviatyja i ŭlubionyja, pryadzieńciesia ŭ litaść sardečnuju, dabratu, pakoru, łahodnaść, ciarplivaść, adny adnych znosiačy i prabačajučy sabie, kali chto maje na kaho skarhu: jak i Pan daravaŭ vam, tak i vy. A nad usio hetaje miejcie miłaść, jakaja jość vuzłom daskanalnaści. I supakoj Chrystusa niachaj panuje ŭ sercach vašych, da jakoha vy i paklikany ŭ vadnym ciele i ŭdziačny budźcie. Niachaj słova Chrystusa žyvie ŭ vas poŭna, kab vyv adny adnych vučyli z usiej mudraściaj i napaminali, piajučy ŭ łascy Bohu psalmy, hymny i pieśni duchoŭnyja ŭ sercach vašych. Usio, što tolki robicie słovam, abo čynam, — usio ŭ imia Pana Jezusa Chrystusa, dziakujučy praz jaho Bohu i Ajcu.
(Kalas. 3, 12—17).
II.
U heny čas skazaŭ Jezus hramadam hetkuju prypovieść: padobnym jość niabiesnaje vaładarstva da čałavieka, što pasiejaŭ dobraje nasieńnie na poli svaim. A kali ludzi spali, pryjšoŭ vorah jahony i nasiejaŭ u pšanicu kukalu i pajšoŭ. Kali-ž zbažyna ŭzyjšła i zaviazaŭsia płod, tady pakazaŭsia i kukol. Pryjšoŭšy-ž słuhi haspadara, skazali jamu: Panie, ci-ž nia dobraje nasieńnie zasiejaŭ ty na svaim poli? Dyk skul kukol? Jon-ža im skazaŭ: varožy čałaviek zrabiŭ heta. Słuhi-ž skazali jamu: chočaš, pojdziem i vybiarem jaho? Ale jon adkazaŭ: nie, kab časam vybirajučy kukol, nia vykaranili razam z im i pšanicy. Pakińcie aboich raści až da žniva, a ŭ čas žniva skažu žniejam: źbiarecie śpiarša kukol i źviažecie jaho ŭ pučki, kab spalić, a pšanicu źbiarecie ŭ humno majo.
(Mat. 13, 24—30).