Lekcyi i Evanelii na niadzieli i śviaty (1938)/I/8
| ← 7. Na II niadzielu pa Troch Karalach | 8. Na III niadzielu pa Troch Karalach Урыўкі зь Бібліі 1938 год Пераклад: Адам Станкевіч |
9. Na V niadzielu pa Troch Karalach → |
Прапануем да спампаваньня!
NA III NIADZIELU PA TROCH KARALOCH.
I.
Braty, nie ŭvažajcie sami siabie za mudrych. Nikomu nie addavajcie złom za zło, starajučysia rabić dabro nia tolki prad Boham, ale tak-ža prad usimi ludźmi. Kali mahčyma, naskolki ad vas za- leža, z usimi ludźmi miejcie supakoj. Sami za siabie nia mścicie, darahija, ale pakińcie heta hnievu Božamu, bo jość napisana: u mianie pomsta, ja addam — kaža Pan. A kali niepryjaciel tvoj hałodny — nakarmi jaho, kali maje smahu — napai jaho, bo hetak robiačy, vuhloŭ haračych nasypiš na hałavu jaho[1]. Nia dajsia pieramahčy zło- mu, ale pieramahaj zło dabrom.
(Ryml. 12, 16—21).
II.
U heny čas, kali Jezus zychodziŭ z hary, išło za im mnoha narodu. I voś padyšoŭ da jaho prakažany, pakłaniŭsia jamu i skazaŭ: Panie, kali ty chočaš, možaš mianie ačyścić. Jezus, padniaŭšy ruku, dakranuŭsia da jaho, kažučy: chaču, budź ačyščany. I adrazu staŭ jon čystym ad svajej prakazy. I skazaŭ jamu Jezus: hladzi, nikomu nie kažy, ale idzi, pakažysia duchoŭniku i achviaruj dar, jaki zahadaŭ Majžeš, dziela ichniaha paśviedčańnia. Kali-ž uvajšoŭ Jezus u Kafarnaum, padyšoŭ da jaho sotnik i prasiŭ jaho, kažučy: Panie, słuha moj lažyć doma sparaližavany i ciažka mučycca. Skazaŭ jamu Jezus: ja pajdu i azdaraŭlu jaho. A sotnik adkazvajučy, pramoviŭ: Panie, ja niavarty, kab ty ŭvajšoŭ pad dach moj, ale tolki skažy slova i zdaroŭ budzie słuha moj. Boj ja čałaviek pastaŭleny pad uładaj, maju i pad saboj žaŭnieraŭ i kažu adnamu: idzi i jon idzie, druhomu: chadzi i jon prychodzić, a słuzie svajmu: rabi heta — i robić. A Jezus, pačuŭšy heta, ździviŭsia i skazaŭ da tych, što jšli za im: sapraŭdy kažu vam, nie znajšoŭ ja takoj vialikaj viery ŭ Izraela. I kažu ja vam, što mnohija pryjduć z uschodu i zachadu i zasiaduć z Abrahamam, Izaakam i Jakubam u valadarstvie niabiesnym, a syny vaładarstva vykinuty buduć proč u ciemru: tam budzie płač i skryhot zuboŭ. I skazaŭ Jezus sotniku: idzi i, jak ty ŭvieryŭ, niachaj tabie staniecca. I azdaravieŭ słuha ŭ tuju hadzinu.
(Mat. 8, 1—13).
- ↑ heta znača — aprytomniš jaho.