Lekcyi i Evanelii na niadzieli i śviaty (1938)/II/40

← 39. Na dzień Chrystusa-Vaładara (apošniaja niadziela kastryčnika)

40. Na dzień Usich Śviatych
Урыўкі зь Бібліі

1938 год
Пераклад: Адам Станкевіч

Прапануем да спампаваньня!

NA DZIEŃ USICH SVIATYCH.

I.

U heny čas voś ja Jan vidzieŭ druhoha anioła, jaki ŭzychodziŭ z uschodu sonca i mieŭ znak Boha žyvoha i vialikim hołasam hamaniŭ čatyrom aniołam, katorym dadziena škodzić ziamli i moru, kažučy: nia škodźcie ziamli i moru, ani drevam pakul nie paznačym słuhaŭ Boha našaha na ich čałoch. I pačuŭ ja ličbu paznačanych: sto sorak čatyry tysiačy paznačanych z usich pakalenniaŭ synoŭ Izraela. Z pakaleńnia Judy dvanaccać tysiač paznačanych; z pakaleńnia Ruben dvanaccać tysiač paznačanych; z pakaleńnia Gad dvanaccać tysiač paznačanych; z pakaleńnia Aser dvanaccać tysiač paznačanych; z pakaleńnia Neftali dvanaccać tysiač paznačanych; z pakaleńnia Manasse dvanaccać tysiač paznačanych; z pakaleńnia Symona dvanaccać tysiač paznačanych; z pakaleńnia Levi dvanaccać tysiač paznačanych; z pakałeńnia Isachar dvanaccać tysiač paznačanych; z pakaleńnia Zabulon dvanaccać tysiač paznačanych; z pakaleńnia Jozef dvanaccać tysiač paznačanych; z pakaleńnia Benjamin dvanaccać tysiač paznačanych. Paśla hetaha vidzieŭ ja vialikuju hramadu, jakoj źličyć nichto nia moh: z usich narodaŭ, i pakaleńniaŭ, i movaŭ, jakija stajali prad tronam i prad voblikam Baranka, adzietyja ŭ biełyja vopratki i palmy ŭ rukach ich i hamanili vialikim hołasam, kažučy: słava Bohu našamu, što siadzić na tronie, i Baranku. I ŭsie anioły stajali kruhom tronu i staršych i čatyroch žyviołaŭ i ŭpali na tvar prad tronam i słavili Boha, kažučy: Amen. Bahasłaŭleńnie, i chvała, i mudraść, i padziaka, siła i mahutnaść Bohu našamu na vieki viečnyja. Amen.

(Ab. 7, 2—12).

II.

U heny čas, Jezus vidziačy hramady narodu, uzyjšoŭ na haru i kali sieŭ, padyjšli da jaho vučni jahonyja; i adčyniŭšy vusny svaje, navučaŭ ich, kažučy: bahasłaŭleny ŭbohija ducham, bo ich jość vaładarstva niabiesnaje. Bahasłaŭleny cichija, bo jany zaŭładajuć ziamloj. Bahasłaŭleny, katoryja płačuć, bo jany buduć paciešany. Bahasłaŭleny, katoryja prahnuć i smahnuć spraviadlivaści, bo jany buduć nasyčany. Bahasłaŭleny miłasernyja, bo jany miłaserdzia atrymajuć. Bahasłaŭleny čystyja sercam, bo jany Boha buduć vidzieć. Bahasłaŭleny supakoj čyniačyja, bo jany buduć nazvany synami Božymi. Bahasłaŭleny, katoryja cierpiać praśled dziela spraviadlivaści, bo ich jość vaładarstva niabiesnaje. Bahasłaŭleny vy, kali vas łajać buduć, i praśledavać i ŭsialakaje zło buduć havaryć prociŭ vas, łhučy dziela mianie: ciešciesia i viesialiciesia, bo naharoda vaša vialikaja jość u niebie.

(Mat. 5, 1—12).