Pieśni (1913)/III/Da klaniny

← Dzie wy, hady maładyje

Da klaniny Верш Аўтар: Цішка Гартны 1913 год

Dumki — preč →

Іншыя публікацыі гэтага твора: Да кляніны.

Прапануем да спампаваньня!

3. Da klaniny.

Biednaja klaninka,
Što ty pachmurnieła,
Apuściła rały,^[1]
Liściem pażaŭcieła?

Zaprapała zielań
Świeżaści wiasiołaj,
I staiš panura
Nad chałodnym dołam!

Ej, skaży, klaninka.
Skaży, darahaja,
Što ciabie za hora.
Hubić i zniščaje?

Ci błahije chmary
Ciomnaj hramadoju
Nadłamali serce
Buraju lichoju?

Ci suchije wietry
Šyrokaha pola
Zakawali dušu
Ŭ dzikuju niawolu?

Ci małanki z hromam
Ciabie razabili,
Ci błahije ruki
Koreń padrubili?

Ci sama ty s tuhi,
Biednaja klanina,
Biez winy zawiała
Ŭ żyćci siracinaj?

Ty skaży, klaninka,
Što ty pachmurnieła,
Apuściła rałły,
Liściem pażaŭcieła?

---

1. haliny.