Pieršaja čytanka (1916)/Pradmowa
| Pradmowa Публіцыстыка Аўтар: Вацлаў Ластоўскі 1916 год |
Alfabet → |
Прапануем да спампаваньня!
PRADMOWA.
Ad sposabu nawučańnia pačatkoŭ wielmi mnoha zaležyć dalejšaja nawuka čytańnia; dziela hetaho na nawučańnie pačatkoŭ wučyciel pawinien zwiarnuć asabliwuju uwahu, i na hetu reč treba kłaści nie škadujučy pracy, dy starajučysia, kab kožnaje dzicia dobra usio wyrazumieło. Kožnu pačatkowuju lekciju treba pierachodzić z dziaćmi wustna, kab dzieci sa słoŭ wučyciela zrazumieli, čaho ad ich wymahajuć, a wučyciel pawinien staracca, kab dzieci nawučylisia lekcii nie mechanična tolki.
Pastupajučy u škołu, najčaściej dzieci umiejuć užo ličyć da 10 i bolej; wučyciel pawinien wykarystać hetu malenkuju wiedu swajho wučnia dziela nawuki liter, zadajučy wučniu paličyć zadadzienuju literu u drukawanym radku, odstupie, abo i na ŭsiej stranicy. Adšukiwajučy zadadzienuju literu miž inšymi, wučeń nawučajecca paznawać jaje na usiakim miejscy, jaho woka prywykaje da form jaje i aswaiwajecca z roznaj wieličynioj litery.
Usie dzieci lubiać rysawać i chapajucca za pisańnie. Hety naturalny nachił dziaciej da pisańnia wučyciel takže pawinien wykarystać, zadajučy dzieciam pisać zadadzienuju literu, jak jana drukujecca. Nima što bajacca taho, što dzieci, pišučy drukawanymi literami, nia buduć umieć pisać literami pisanymi: dajučy dziciaci u ruki ałuwok i wučačy drukawać, my wučym i mechaniki piśma, bo ruka dziciaci nawučajecca słuchać mozhu-myśli.
Wučyciel pawinien razjaśnić dzieciam, što litera — heta jość znak ludzkoha hołasu, wyraženy na papiery. Dzieci pawinny umieć raspaznawać litery nia tolki na papiery, ale i u haworenych słowach. Kali my kažem „a—a“, to hety hołas na papiery aznačajem znakam A. Wučačy suhałosnych liter, wučyciel, kryj Bože, nie pawinien kazać dziciaci, što litera B — heta be, a prosta — B.
Pierachodziačy da składoŭ, treba dziaciej wučyć adrazu wyhawarywać uwieś skład, nie sylabizujucy, jak heta daŭniej wučyli.
U kancy kožnaje słowo, jakoje dzicia čytaje, jano pawinno dobra razumieé; dziela hetaho my dajem u kancy knižki słoǔniček, s katoraho može karystacca i wučyciel i wučeń.