Vita (1926)/Мэлёдыі/Над Прыпяцьцю

← Пад хмелем вясновага піва

Над Прыпяцьцю Верш Аўтар: Язэп Пушча 1926 год

Непагодай →

Іншыя публікацыі гэтага твора: Над Прыпяцьцю (Пушча).

Прапануем да спампаваньня!

НАД ПРЫПЯЦЬЦЮ

Схіліўшыся над Прыпяцьцю,
бярозкі лісьцем п‘юць ваду.
Прыслухайся! Калышуцца
і гоман між сабой вядуць.

Пад сьпевы плыняў палявых,
цалуецца адна з аднэй.
Ах, не спазнаць хто можа іх,
скажы мне, вецер, ты хутчэй?

1923 г.