Zbornik «Našaj Niwy» (1912)/2/Staraja Biełaruś/Kniha

← Słuckije tkačychi

Kniha Верш Аўтар: Максім Багдановіч 1912 год

Dumki →

Іншыя публікацыі гэтага твора: Кніга (Багдановіч).

Прапануем да спампаваньня!

KNIHA.

Psałtyr, pakrytuju niažorstkaj, buraj kožaj
Ja ŭziaŭ i srebnyje zaściožki adamknuŭ,
Pierečytaŭ rady kirylicy pryhožaj,
I wosku z ładanam pryjemny pach pačuŭ.

Woś psalma źličnaja: «Jak toj aleń šukaje
Krynicy čystaj, tak šukaju Boha ja».
Jak wieje świežaściu jaje krasa žywaja!
Tak radasna ŭsio dalš śpiašyć duša maja!

I baču ja ŭ kancy nia chitruju prypisku,
Što «knihu hetuju rab Božy dziak Hapon
Dziela dušy spisaŭ u miestu Waŭkawysku
U rok (siem tysiač sto waśmy) z pačatku dzion».

Maksim Bohdanowič.

Jarosłaŭ.