Акрываўленая зямля (1930)/III/Сяргею Есеніну

← Ім

Сяргею Есеніну Верш Аўтар: Паўлюк Шукайла 1930 год

Асеньні настрой →

Прапануем да спампаваньня!

СЯРГЕЮ ЕСЕНІНУ

Мне прасьпяваў
Ветру
Сьвіст
Аднойчы зусім
Ды нядаўна,
Што кудры
Твае
Завіліся
Па вяроўцы
Дзіка
І „слаўна“.

Не хацелася верыць…
Ці можа быць,
Што поэта
Такі
Заліхвацкі
Супроць хваляў
Плыў,
Не даплыў, —
Зубамі
Апошні раз
Ляснуў?!.

Хай мне
Жыцьцё
Плюне ў твар!..
А ўсё-ж такі
Груба
Закончыў
.........
…Патухлі сьвечкі…
І алтар
Стаіць
На Русі
Адзінокі!

І замест
Песьні —
Шэлесту жыта —
Прасьпявалі
Табе
Заўпакой
Людзі
З разьбітым
Карытам
Адзваніўшай
Русі
„Аржаной“!..