Алёша (1927)/Справы літаратурныя/«За что боролись»

„За что боролись“
Фэльетон
Аўтар: Анатоль Вольны
1927 год

Іншыя публікацыі гэтага твора: «За что боролись?».

Прапануем да спампаваньня!

„ЗА ЧТО БОРОЛИСЬ?“

Кіно Украіны, кіно Грузіі дбаюць аб выяўленьні праз свае фільмі нацыянальных асаблівасьцяй сваіх краін.

Менскія газэты паведамілі, што першая беларуская кіно-фільма, якая выходзіць па сцэнарыю д-ра Галкіна, носіць назву „Прастытутка“.

Дык вітаю першую „прастытутку“ Беларускага дзяржаўнага кіно!

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Злавацца — ня трэба! Гэтай фільме можна будзе вельмі лёгка дадаць нацыянальныя асаблівасьці нашага краю.

Трэба будзе толькі, каб у часе дэманстрацыі гэтай фільмы беларусы, седзячы ў кіно, сьпявалі:

„Сьмяюцца над намі багатыя людзі“…

альбо:

— „Мы доўга цярпелі, цярпець больш ня будзем“…

Тады можа яно і нічога выйдзе…

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Кожная справа спачатку пачынаецца, а потым ужо і канчаецца.

І іншы раз вельмі дрэнна канчаецца.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

А А ўрэшце, як той анэкдатычны матрос казаў:

— „Братишки, за что боролись?“